തിരുവനന്തപുരം: കാലില്‍ പുഴുവരിച്ച വയോധികന് പ്രാഥമിക ചികിത്സ നിഷേധിച്ചതായി പരാതി. തിരുവനന്തപുരം മെഡിക്കല്‍ കോളേജിലാണ് സംഭവം. കാലിലെ വ്രണം പഴുത്ത് പുഴുവരിച്ച നിലയില്‍ ആശുപത്രിയിലെ പഴയ അത്യാഹിത വിഭാഗത്തിന് സമീപമായിരുന്നു വയോധികന് കിടന്നിരുന്നത്. സംഭവം ആശുപത്രി അധികൃതരുടെ ശ്രദ്ധയില്‍പ്പെടുത്തിയെങ്കിലും തികഞ്ഞ അവഗണനയായിരുന്നു ഫലം.
കഴിഞ്ഞ ഒന്നരമാസത്തോളമായി മെഡിക്കല്‍ കോളേജിലെ തറയിലാണ് വയോധികന് കിടന്നിരുന്നത്. കാര്യം തിരക്കിയപ്പോഴാണ് ആശുപത്രി അധികൃതരുടെ കൊടും ക്രൂരത പുറംലോകമറിയുന്നത്. മാദ്ധ്യമങ്ങളുടെ ഇടപെടലിസലാണ് സര്‍ക്കാര്‍ ആശുപത്രിയുടെ കണ്ണില്ലാ ക്രൂരത പുറത്തറിയിച്ചത്.
രോഗിയെ സന്ദര്‍ശിക്കാനോ, ചികിത്സ നല്‍കാനോ ആരും തയ്യാറായിരുന്നില്ല. രണ്ട് സെക്യൂരിറ്റി ജീവനക്കാര്‍ എത്തി വയോധികനോട് സ്വയം എഴുന്നേറ്റ് വീല്‍ചെയറില്‍ ഇരിക്കാന്‍ ആവശ്യപ്പെടുകയായിരുന്നു. നിലവില്‍ വയോധികന് ചികിത്സയിലാണ്.
