ലക്നൗ: ആത്മഹത്യ അഭിനയിക്കുന്നതിനിടെ കഴുത്തില് കയര് കുരുങ്ങി അഞ്ചാം ക്ലാസുകാരന് ദാരുണാന്ത്യം. ഉത്തര്പ്രദേശിലെ ജലൗണ് സ്വദേശി ജാസ് ആണ് മരിച്ചത്. കാഴ്ച പരിമിതിയുള്ള അമ്മയും മൂന്ന് ഇളയസഹോദരങ്ങളും കുട്ടിയെ രക്ഷിക്കാന് ശ്രമിച്ചെങ്കിലും വിഫലമായി.
സഹോദരങ്ങള്ക്കൊപ്പമായിരുന്നു ജാസ് ആത്മഹത്യ അഭിനയിച്ചത്. സഹോദരങ്ങളായ യാഷ്, മേഹക്, അസ്ത എന്നിവര്ക്കൊപ്പം വീട്ടില് കളിക്കുന്നതിനിടെയാണ് അപകടമുണ്ടായത്. ഈ സമയത്ത് കുട്ടികളുടെ പിതാവ് ജോലിക്ക് പോയതായിരുന്നു.
വായില് നിന്നും മൂക്കില് നിന്നും രക്തം വരുന്നതുവരെ ജാസ് അഭിനയിക്കുകയാണെന്ന് സഹോദരങ്ങള് കരുതിയത്. അത് കണ്ട് കുട്ടികള് ഉറക്കെ നിലവിളിച്ചതോടെയാണ് അമ്മ ഉണര്ന്നത്. അവര് അവനെ രക്ഷിക്കാന് ശ്രമിച്ചെങ്കിലും കാഴ്ച പരിമിതി തടസമായി. നിലവിളി കേട്ട് ഓടിയെത്തിയ അയല്വാസികള് കുട്ടിയെ സമീപത്തെ ആശുപത്രിയില് എത്തിച്ചെങ്കിലും മരിച്ചിരുന്നു.
