കൊളംബൊ: ഏഷ്യാ കപ്പ് സൂപ്പര് ഫോറില് ഇന്ത്യ – ശ്രീലങ്ക മത്സരത്തിനിടെ മഴയെത്തി. ഇന്ത്യ 47 ഓവറില് ഒമ്പതിന് 197 എന്ന നിലയിലായിരിക്കെയാണ് കളി തടസപ്പെട്ടത്. ടോസ് നഷ്ടപ്പെട്ട് ബാറ്റിംഗ് തുടങ്ങിയ ഇന്ത്യയെ അഞ്ച് വിക്കറ്റ് നേടിയ ദുനിത് വെല്ലാലഗെ, നാല് വിക്കറ്റ് നേടിയ ചരിത് അസലങ്ക എന്നിവരാണ് കാര്യമായ പ്രഹരമേല്പ്പിച്ചത്.
ക്യാപ്റ്റന് രോഹിത് ശര്മ 53 റണ്സ് നേടി. കെ എല് രാഹുല് 39 റണ്സും ഇഷാന് കിഷന് 33 റണ്സും നേടി. സൂപ്പര് ഫോറില് ഇരുടീമുകളുടെയും രണ്ടാം മത്സരമാണിത്.
ഒന്നാം വിക്കറ്റില് 80 റണ്സാണ് രോഹിത് – ശുഭ്മാന് ഗില് ശഖ്യം കൂട്ടിചേര്ത്തത്. ഗില്ലിനെ(19) ബൗള്ഡാക്കി വെല്ലാലഗെ ഇന്ത്യയുടെ തകര്ച്ചയ്ക്ക് തുടക്കമിട്ടു. വിരാട് കോഹ്ലി 12 പന്തില് മൂന്ന് റണ്സ് നേടി.
ഹാര്ദിക് പാണ്ഡ്യ (5), രവീന്ദ്ര ജഡേജ (4) എന്നിവര് പെട്ടെന്ന് പുറത്തായി. ജസ്പ്രിത് ബുമ്ര (5), കുല്ദീപ് (0) എന്നിവരും നിരാശപ്പെടുത്തി.
