കാസര്കോട്: പ്രശ്ന പരിഹാരം കണ്ടെത്താന് കഴിയാത്ത സിപിഎം നേതൃത്വത്തിനെതിരെ ബിജെപി മണ്ഡലം കമ്മിറ്റിക്ക് പരാതി നല്കി സിപിഎം കൗണ്സിലര്. സിപിഎം കാഞ്ഞങ്ങാട് നഗരസഭാ കൗണ്സിലറും നഗരസഭ സ്ഥിരം സമിതി അദ്ധ്യക്ഷയുമായ കെ.വി സരസ്വതിയാണ് മണ്ഡലം കമ്മിറ്റിക്ക് പരാതി സമര്പ്പിച്ചത്. ബന്ധുക്കള് തന്റെ വീട്ടിലേക്കുള്ള വഴി തടസ്സപ്പെടുത്തിയെന്നും പുനഃസ്ഥാപിച്ച് നല്കണമെന്നും ആവശ്യപ്പെട്ടായിരുന്നു കത്ത്.
സിപിഎം പ്രദേശിക നേതൃത്വത്തിന് പരാതി നല്കിയെങ്കിലും പുരോഗതിയൊന്നും കണ്ടിരുന്നില്ല. തുടര്ന്നാണ് ബിജെപി പ്രദേശിക നേതൃത്വത്തെ സിപിഎം കൗണ്സിലര് സമീപിച്ചത്. സഹോദരന്റെ സ്ഥലത്ത് കൂടിയാണ് ഇവരുടെ വീട്ടിലേക്ക് റോഡ് ഉണ്ടായിരുന്നത്.
ഈ സ്ഥലവുമായി ബന്ധപ്പെട്ട് സഹോദരനും മറ്റു ബന്ധുക്കളും തമ്മില് തര്ക്കം നിലനിന്നിരുന്നു. പിന്നീട് മാരാര് സമാജം ഇടപെട്ട് പരിഹാരം കണ്ടെത്തിയെങ്കിലും സ്ഥലം കിട്ടിയ ഉടന് തന്നെ ഇവര് റോഡില് കുഴികള് കുത്തി ഗതാഗതം തടസ്സപ്പെടുത്തിയെന്ന് സരസ്വതി കത്തില് പറയുന്നു.
പരാതിയില് പരിഹാരം കാണണമെന്ന് ആവശ്യപ്പെട്ട് ബിജെപി നേതൃത്വത്തിന് സിപിഎം കൗണ്സിലര് തന്നെ കത്ത് നല്കിയത് സിപിഎമ്മിനുളളില് ഭിന്നിപ്പുണ്ടാക്കി.
