തിരുവനന്തപുരം: കോര്പറേഷനില് ഭരണകക്ഷിയായ എന്ഡിഎക്ക് ഒപ്പം ഉറച്ച് നില്ക്കുമെന്ന് സ്വതന്ത്ര കൗണ്സിലര് പാറ്റൂര് രാധാകൃഷ്ണന്. കോര്പ്പറേഷനില് ഭരണ പ്രതിസന്ധി ഇല്ല. അവിശ്വാസ പ്രമേയത്തിന്റെ ആവശ്യമില്ലെന്നും പാറ്റൂര് രാധാകൃഷ്ണന് പറഞ്ഞു.
ഭരണസ്തംഭനം ഉളളതായി തോന്നിയിട്ടില്ല.എല്ഡിഎഫിനും യുഡിഎഫിനുമൊക്കെ ഈ ഭരണ സംവിധാനത്തെ അവിശ്വസിക്കാം.താന് ഒു രാഷ്ട്രീയ പാര്ട്ടിയുടെയും പിന്തുണയോടെയല്ല മത്സരിച്ചത്. തനിക്ക് അവിശ്വാസം തോന്നത്തക്ക വിധത്തിലുള്ള സാഹചര്യം ഉണ്ടായിട്ടില്ല.ഔദ്യോഗികമായി പ്രതിപക്ഷത്ത് നിന്ന് ഇതുവരെയും ക്ഷണം ഉണ്ടായിട്ടില്ലെന്നും പാറ്റൂര് രാധാകൃഷ്ണന് പറഞ്ഞു.
ആര് സുഗതന് കുറ്റാരോപിതന് മാത്രമാണ്. കുറ്റക്കാരന് എന്ന് വിധിക്കേണ്ടത് കോടതി ആണ് .ഭരണപരമായ വീഴ്ച ഉണ്ടായിട്ടില്ലെന്നും പാറ്റൂര് രാധാകൃഷ്ണന് വ്യക്തമാക്കി.
തിരുവനന്തപുരം കോര്പ്പറേഷനില് അവിശ്വാസപ്രമേയം കൊണ്ടുവരാനുളള നീക്കത്തിലാണ് യുഡിഎഫ്.എന്നാല് എല്ഡിഎഫ് നിലപാട് വ്യക്തമാക്കിയിട്ടില്ല.ഈ സാഹചര്യത്തിലാണ് പാറ്റൂര് രാധാകൃഷ്ണന്റെ പ്രതികരണം.
അതേസമയം, കോര്പ്പറേഷനില് എന് ഡി എയ്ക്ക് ഭീഷണിയില്ലെന്നും അഞ്ച് വര്ഷവും ഭരിക്കുമെന്നും മേയര് വി വി രാജേഷ് പറഞ്ഞു.
കോര്പ്പറേഷനില് ബി ജെ പി നേതൃത്വത്തിലുളള ഭരണം അട്ടിമറിക്കുക ലക്ഷ്യമിട്ടാണ് വാഴോട്ടുകോണം കൗണ്സിലര് സുഗതനെ കാപ്പ കേസില് കുടുക്കി ജയിലിലടച്ചത്.സുഗതനെ പുറത്താക്കണമെന്ന ആവശ്യമുന്നയിച്ച് സമരത്തിലാണ് കോര്പ്പറേഷനിലെ ഇടത് അംഗങ്ങള്.
