കൊല്ലം: ശോഭായാത്രയിൽ ഉണ്ണിക്കണ്ണനായതിന്റെ സന്തോഷത്തിൽ കരുനാഗപ്പള്ളി സ്വദേശി ന്ഹമറിയവും കുടുംബവും. ബാപ്പയുടെയും ഉമ്മയുടെയും പിന്തുണയോടെയാണ് മന്ഹമറിയം അമ്പാടിക്കണ്ണനായത്.
കരുനാഗപ്പള്ളി മുഴുങ്ങോടി അനസ് മൻസിലിൽ മന്ഹമറിയമാണ് കൃഷ്ണ വേഷം കെട്ടിയത്. അങ്കണവാടിയിലെ കൂട്ടുകാർ കണ്ണന്മാരായതോടെയാണ് നാലുവയസുകാരി കുരുന്നിനും കണ്ണനാകാൻ മോഹം ഉദിച്ചത്. മകളുടെ ആഗ്രഹത്തിന് ബാപ്പ ശിഹാബുദ്ദീനും ഉമ്മ അൻസിയും പൂർണ്ണ പിന്തുണ നൽകിയതോടെ മന്ഹമറിയം കൃഷ്ണനായി.
മന്ഹമറിയവും ഉമ്മ അൻസിയും ഉമ്മുമ്മ സുനിയും ശോഭയാത്രയിൽ പങ്കെടുത്തു. ശോഭായാത്രയിൽ പങ്കെടുത്തത് വളരെ സംതൃപ്തിയും സന്തോഷവും നൽകുന്നെന്ന് അൻസി പറഞ്ഞു. മകൾ കൃഷ്ണനായതിന്റെ സന്തോഷത്തിലാണെന്നും ബാലഗോകുലം പ്രവർത്തകരും നാട്ടുകാരും. ആ സന്തോഷത്തിൽ ഞങ്ങളും സംതൃപ്തരാണെന്ന് അൻസി പറഞ്ഞു. ഉമ്മുമ ഉണ്ണിക്കണ്ണനായ മന്ഹമറിയത്തെ ചുമലിലേറ്റി നിൽക്കുന്ന ചിത്രം സമൂഹമാദ്ധ്യമങ്ങളിൽ ശ്രദ്ധ നേടുന്നുണ്ട്.
