സ്ലീപ്പിൽ മോഡിൽ പ്രവേശിച്ച വിക്രം ലാൻഡറിന്റെ ചിത്രമെടുത്ത് ചന്ദ്രയാൻ-2 ന്റെ ഓർബിറ്റർ. ചന്ദ്രയാൻ-2 ഓർബിറ്ററിൽ ഡ്യുവൽ-ഫ്രീക്വൻസി സിന്തറ്റിക് അപ്പേർച്ചർ റഡാർ (DFSR) എന്ന ഉപകരണം എടുത്ത ചിത്രമാണ് ഇസ്രോ പങ്കുവെച്ചത്. സെപ്റ്റംബർ ആറിനാണ് ചിത്രമെടുത്തിരിക്കുന്നത്.
2019-ൽ ഇന്ത്യ ചന്ദ്രനിലേക്ക് അയച്ച പേടകമാണ് ചന്ദ്രയാൻ-2. ലാൻഡിംഗിനിടയിൽ അപ്രതീക്ഷിതമായി പേടകം തകർന്നെങ്കിലും പേടകത്തിന്റെ ഓർബിറ്റർ പ്രവർത്തന സജ്ജമാണ്. ഈ ഓർബിറ്ററും മൂന്നാം ചാന്ദ്രദൗത്യത്തെ സഹായിക്കുന്നുണ്ട്. ഗ്രൗണ്ട് സ്റ്റേഷനുമായുള്ള ബന്ധം സ്ഥാപിക്കുന്നതിൽ പ്രധാന പങ്ക് വഹിക്കുന്നത് ചന്ദ്രയാൻ രണ്ട് ഓർബിറ്ററാണ്.
കഴിഞ്ഞ ദിവസം ആദിത്യ എൽ-1 ഉം ചിത്രം പങ്കുവെച്ചിരുന്നു.ഒറ്റ ഫ്രെയിമിൽ ഭൂമിയുടെയും ചന്ദ്രന്റെയും ചിത്രവും വീഡിയോയുമായിരുന്നു ഭൂമിയിലേക്ക് അയച്ചത്.
പ്രതികരിക്കാൻ ഇവിടെ എഴുതുക: