മുംബൈ: ‘ഇന്ത്യ’ എന്നതിനുപകരം ‘ഭാരത്’ ഉപയോഗിക്കുന്നതുമായി ബന്ധപ്പെട്ട വിവാദങ്ങള്ക്കിടയില്, ബോളിവുഡ് നടന് അമിതാഭ് ബച്ചന്റെ ഏറ്റവും പുതിയ ട്വീറ്റ് എല്ലാ ആരാധകരുടെയും ശ്രദ്ധനേടിയിരിക്കുകയാണ്. ഇന്ന് എക്സില് അമിതാഭ് ബച്ചന് ഹിന്ദിയില് ‘ഭാരത് മാതാ കീ ജയ്’ എന്ന് എഴുതിയതാണ് ചര്ച്ചയായിരിക്കുന്നത്.
ഇന്ത്യ-ഭാരത് തര്ക്കത്തിനിടെയാണ് അദ്ദേഹത്തിന്റെ പോസ്റ്റ് വന്നത്. ഇത് ഇന്ത്യയുടെ പേര് മാറ്റത്തിന് അനുകൂലമായി ബിഗ് ബി തന്റെ പിന്തുണ പ്രകടിപ്പിച്ചതായിയാണ് റിട്വീറ്റുകള് സൂചിപ്പിക്കുന്നത്. അമിതാഭ് ട്വീറ്റ് ഷെയര് ചെയ്തതിന് തൊട്ടുപിന്നാലെ നിരവധി ആരാധകര് താരത്തിന്റെ പിന്തുണയെ അഭിനന്ദിക്കുകയും ചെയ്തു.
T 4759 – 🇮🇳 भारत माता की जय 🚩
— Amitabh Bachchan (@SrBachchan) September 5, 2023
സാധാരണയായി ‘പ്രസിഡന്റ് ഓഫ് ഇന്ത്യ’ എന്നതിന് പകരം ‘പ്രസിഡന്റ് ഓഫ് ഭാരത്’ എന്ന പേരില് രാഷ്ട്രപതി ഭവന് ജി 20 അത്താഴത്തിന് ക്ഷണം അയച്ചതായി അവകാശപ്പെട്ടു കോണ്ഗ്രസ് രാജ്യസഭാ എംപി ജയറാം രമേശ് പ്രതികരിച്ചിരുന്നു. പേര് മാറ്റുന്നത് സംബന്ധിച്ച് നിരവധി പേരാണ് ഇതിനോടകം തന്നെ പ്രതികരിച്ചിരിക്കുന്നത്. അനുകൂല അഭിപ്രായങ്ങള് ഉയര്ന്നു വരുന്നത് നിലവില് വര്ധിച്ചുവരുകയുമാണ്.
