കോട്ടയം: കേന്ദ്രം കേരളത്തെ ഞെരുക്കുന്നുവെന്ന മുഖ്യമന്ത്രിയുടെ ആരോപണം തെറ്റിദ്ധാരണാജനകമെന്ന് കേന്ദ്രസഹമന്ത്രി വി മുരളീധരന്‍.
യുഡിഎഫും എല്‍ഡിഎഫും ജനങ്ങളെ കബളിപ്പിക്കുകയാണ്. സൗഹൃദ മത്സരമാണ് രണ്ട് മുന്നണികളും തമ്മില്‍ നടത്തുന്നത്. സഹകരണാത്മക പ്രതിപക്ഷമാണ് കേരളത്തിലുള്ളതെന്നും മന്ത്രി കുറ്റപ്പെടുത്തി.
കേന്ദ്ര സര്‍ക്കാരിനെ സംസ്ഥാന സര്‍ക്കാര്‍ പഴിചാരുന്നത് പതിവാകുന്നു. ഈ തന്ത്രം അധികകാലം വിലപ്പോവില്ല. കേന്ദ്രം കര്‍ഷകര്‍ക്ക് നല്‍കുന്ന പണം കൃഷിമന്ത്രി നല്‍കുന്നതാണെന്നാണ് അവകാശവാദം. കണക്ക് പുറത്തുവിടാന്‍ സര്‍ക്കാര്‍ തയ്യാറുണ്ടോയെന്നും മുരളീധരന്‍ ചോദിച്ചു.
പുതുപ്പളളിയില്‍ ഉപതെരഞ്ഞെടുപ്പ് പ്രചാരണത്തിനിടെയാണ് കേന്ദ്രസര്‍ക്കാരിനെതിരെ മുഖ്യമന്ത്രി രൂക്ഷവിമര്‍ശനം ഉന്നയിച്ചത്. കടമെടുപ്പിന്റെ കാര്യത്തില്‍ കേന്ദ്രസര്‍ക്കാരിനും കേരളത്തിനും രണ്ട് മാനദണ്ഡങ്ങളാണ് നടപ്പാക്കുന്നതെന്ന് മുഖ്യമന്ത്രി കുറ്റപ്പെടുത്തിയിരുന്നു.
പ്രതികരിക്കാൻ ഇവിടെ എഴുതുക: