കൊച്ചി: മുതിര്ന്ന പത്രപ്രവര്ത്തകന് എന് മാധവന് കുട്ടിയുടെ ഫേസ്ബുക്ക് അക്കൗണ്ട് പുനഃസ്ഥാപിക്കാന് ഹൈക്കോടതി മെറ്റയോട് ആവശ്യപ്പെട്ടു.
കേരള പോലീസിന്റെ അഭ്യര്ഥന മാനിച്ച് മെറ്റ തന്റെ ഫേസ്ബുക്ക് അക്കൗണ്ട് ബ്ലോക്ക് ചെയ്തതിനെതിരെ മാധവന് കുട്ടി നല്കിയ ഹര്ജിയിലാണിത്. ചില പോസ്റ്റുകള് ആക്ഷേപകരമാണെന്നതുകൊണ്ട് സോഷ്യല് മീഡിയ അക്കൗണ്ട് തന്നെ ബ്ലോക്ക് ചെയ്യാന് കഴിയില്ലെന്ന് ജസ്റ്റിസ് സിയാദ് റഹ്മാന് വ്യക്തമാക്കി.
ഹര്ജിക്കാരന് അപ്ലോഡ് ചെയ്യുന്ന ഏതെങ്കിലും ഉള്ളടക്കം സംസ്ഥാനത്തിന്റെ സുരക്ഷയെ ബാധിക്കുന്നതോ പൊതുതാല്പ്പര്യത്തിന് വിരുദ്ധമോ ആണെങ്കില്, ആ പോസ്റ്റുകള് തടയാന് അധികാരികള്ക്ക് സ്വാതന്ത്ര്യമുണ്ടെന്ന് കോടതി വ്യക്തമാക്കി.
6,000 ത്തോളം ഫോളോവേഴ്സുള്ള തന്റെ ഫേസ്ബുക്ക് അക്കൗണ്ട് 2025 നവംബര് മുതല് ഇന്ത്യയില് ലഭിക്കുന്നില്ലെന്ന് മാധവന് കുട്ടി ഹര്ജിയില് പറഞ്ഞു.
ഹര്ജിക്കാരന്റെ ചില പോസ്റ്റുകള് വിലയിരുത്തിയാണ് അക്കൗണ്ട് ബ്ലോക്ക് ചെയ്യാന് നിര്ദ്ദേശം നല്കിയതെന്ന് സംസ്ഥാന സര്ക്കാര് കോടതിയില് വാദിച്ചു.
