തിരുവനന്തപുരം: മറ്റൊരാളുടെ ചെരിപ്പിട്ട് വീട്ടിലെത്തിയതിന് വഴക്കു പറയുകയും വിലക്കുകയും ചെയ്ത അച്ഛനെ കൊല്ലാൻ പതിനഞ്ചുകാരനായ മകന്റെ ശ്രമം. പോലീസ് പിടികൂടുമെന്ന് അ റിഞ്ഞതോടേ സുഹൃത്തിനെ രക്ഷപ്പെടുത്തിയ ശേഷം മകൻ ആത്മഹത്യയ്‌ക്ക് ശ്രമിച്ചു. ഞായറാഴ്ച രാവിലെ പോത്തൻ കോട്ടാണ് സംഭവം.
അച്ഛനും മകനും പരുക്കുകളോടെ മെഡിക്കൽ കോളെജ് ആശുപത്രിയിൽ ചികിത്സയിൽ. മകനെ ശാസിച്ച ശേഷം കിടക്കുകയായിരുന്ന വൃക്ക രോഗിയായ അച്ഛന്റെ മുഖത്ത് കൂട്ടുകാരന്റെ സഹായത്തൊടേ മകൻ മുളകുപൊടി കലക്കിയ വെള്ളമൊഴിക്കുകയായിരുന്നു. തുടർന്ന് മൂർച്ചയുള്ള ആയുധം കൊണ്ട് തലയിൽ തുരുതുരെ കുത്തി. അമ്മ ഈ സമയം ജോലിക്കു പോയിരിക്കുകയായിരുന്നു.
അച്ഛൻ കുതറിമാറി പുറത്തിറങ്ങി കതകടച്ച് കയർ കൊണ്ട് കെട്ടി. ഇതിനിടെ കൂട്ടുകാരനെ മകൻ രക്ഷപെടുത്തി പുറത്താക്കി. പോലീസ് വരുന്നതു കണ്ട് ജനാലക്കമ്പിയിൽ തൂങ്ങി മരിക്കാനായിരുന്നു ശ്രമം. കതക് ചവിട്ടിപ്പൊളിച്ചാണ് പോലീസ് അകത്തു കയറിയത്.
