സിഡ്‌നി : വനിതാ ഫുട്‌ബോള്‍ ലോകകപ്പ് കിരീടം സ്‌പെയിനിന്. ഫൈനലില്‍ യൂറോ ചാമ്പ്യന്മാരായ ഇംഗ്ലണ്ടിനെ പരാജയപ്പെടുത്തി.എതിരില്ലാത്ത ഒരു ഗോളിനായിരുന്നു സ്‌പെയിന്റെ വിജയം.
സ്‌പെയിന്‍ന്റെ ആദ്യ വനിതാ ലോകകപ്പ് ഫുട്‌ബോള്‍ കിരീടമാണിത്. ആദ്യ പകുതിയില്‍ ക്യാപ്റ്റന്‍ കാര്‍മോണ ആണ് സ്‌പെയിനിന് വേണ്ടി ഗോള്‍ നേടിയത്.
ഒള്‍ഗ കാര്‍മോണയുടെ ഗോള്‍ 29ാം മിനുട്ടിലായിരുന്നു.മരിയ കാള്‍ഡെന്റിയില്‍ നിന്ന് പന്ത് സ്വീകരിച്ച് ഇടം കാലു കൊണ്ട് കാര്‍മോണ പന്ത് വലയില്‍ എത്തിക്കുകയായിരുന്നു.
രണ്ടാം പകുതിയില്‍ ഇംഗ്ലണ്ട് ലോറന്‍ ജെയിംസിനെ കളത്തില്‍ ഇറക്കിയെങ്കിലും ഗോള്‍ നേടാനായില്ല.
