തൃശൂര്‍: നൈല്‍ ആശുപത്രിയില്‍ ആറ് ജീവനക്കാരെ പുറത്താക്കിയതുമായി ബന്ധപ്പെട്ടും, ലേബര്‍ ഓഫീസില്‍ വെച്ച് ഗര്‍ഭിണിയായ നഴ്സിനെയടക്കം മര്‍ദിച്ച ഡോ. അലോകിനെ അറസ്റ്റ് ചെയ്യാത്തതിലും പ്രതിഷേധിച്ച് ഇന്ന് മുതല്‍ തൃശൂര്‍ ജില്ലയിലെ മുഴുവന്‍ നഴ്സുമാരടക്കമുള്ള ആശുപത്രി ജീവനക്കാര്‍ അനിശ്ചിതകാല പണിമുടക്കിലേക്ക്.
സര്‍ക്കാരിന്റെയോ ബന്ധപ്പെട്ട അധികാരികളുടെയൊ ഭാഗത്ത് നിന്ന് യാതൊരു വിധത്തിലുള്ള പ്രശ്നപരിഹാര നടപടികളും ഉണ്ടാകാത്ത സാഹചര്യത്തിലാണ് തൃശൂര്‍ ജില്ലയില്‍ നഴ്സുമാര്‍ പണിമുടക്കിലേക്ക് കടക്കുന്നതെന്ന് യുണൈറ്റഡ് നഴ്സസ് അസോസിയേഷന്‍ ജില്ലാ പ്രസിഡന്റ് ലിഫിന്‍, ജില്ലാ സെക്രട്ടറി ലിജോ എന്നിവര്‍ അറിയിച്ചു. തുടര്‍ ദിവസങ്ങളില്‍ സമരം സംസ്ഥാന വ്യാപകമാക്കുമെന്നും അറിയിച്ചു. പണിമുടക്കുന്ന നഴ്സുമാര്‍ പടിഞ്ഞാറെ കോട്ടയില്‍ നിന്ന് കളക്ട്രേറ്റിലേക്ക് പ്രകടനം നടത്തും.
പ്രതികരിക്കാൻ ഇവിടെ എഴുതുക: