ശ്രീനഗര്‍: ജമ്മു കശ്മീരിലെ ആനന്ത്നാഗ് ജില്ലയില്‍നിന്ന് നിരോധിത ഭീകരസംഘടനയായ ഹിസ്ബുള്‍ മുജാഹിദ്ദീനുമായി ബന്ധമുള്ള ഭീകരനെ ഉത്തര്‍പ്രദേശ് പോലീസ് പിടികൂടി. ഫിര്‍ദൗസ് അഹമ്മദ് ദാറാണ് പിടിയിലായത്. ഉത്തര്‍പ്രദേശ് പോലീസിന്റെ തീവ്രവാദ വിദുദ്ധ സ്‌ക്വാഡ് കോക്കര്‍നാഗ് പോലീസിന്റെ സഹായത്തോടെയാണ് ഇയാളെ പിടികൂടിയത്. തുടര്‍ന്ന് ലഖ്നൗവില്‍ എത്തിച്ചു.
വൈദ്യപരിശോധനയ്‌ക്ക് ശേഷം ഇയാളെ കോടതിയില്‍ ഹാജരാക്കി. ഇതേ ഭീകരസംഘടനയുമായി ബന്ധമുള്ള മൊറാദാബാദ് ജില്ലയില്‍ മുയിലക് ഗുഡിയ ഗ്രാമത്തിലെ ഷാറൂഖ് എന്ന അഹമ്മദ് റാസയെ എടിഎസ് കഴിഞ്ഞ ദിവസം അറസ്റ്റ് ചെയ്തതിന് തൊട്ടുപിന്നാലെയാണ് ഇയാളും പിടിയിലായത്.
