എരുമപ്പെട്ടി: നിത്യോപയോഗ സാധനങ്ങളുടെ വില വര്ധന മൂലം ബുദ്ധിമുട്ടുന്ന ജനങ്ങള്ക്ക് ഇരുട്ടടിയെന്നോണം എല്ഡിഎഫ് ഭരിക്കുന്ന പഞ്ചായത്ത് ഭരണസമിതി ഏകപക്ഷീയമായി നികുതി വര്ധന നടപ്പിലാക്കുന്നതിനെതിരെ ബിജെപി വേലൂര് പഞ്ചായത്ത് കമ്മിറ്റിയുടെ നേതൃത്വത്തില് പഞ്ചായത്തില് കുത്തിയിരിപ്പ് സമരം നടത്തിവന്ന വാര്ഡ് മെമ്പര് രേഷ്മ സുധീഷിനെ എരുമപ്പെട്ടി എസ്എച്ച്ഒ യുടെ നേതൃത്വത്തില് അറസ്റ്റു ചെയ്തു.
തുടര്ന്ന് പഞ്ചായത്ത് ഓഫിസിനു മുമ്പില് ബിജെപി പഞ്ചായത്ത് കമ്മറ്റി പ്രതിഷേധിച്ചു. വേലൂര് പഞ്ചായത്ത് കമ്മിറ്റി പ്രസിഡന്റ് അഭിലാഷ് തയ്യൂര് നേതൃത്വം നല്കി. മുന് വാര്ഡ് മെമ്പര് പ്രശാന്ത്, മണ്ഡലം വൈസ് പ്രസി. ഉണ്ണികൃഷ്ണന് അമ്മാത്ത്, ബിഎംഎസ് പഞ്ചായത്ത് പ്രസിഡന്റ് സുരേഷ് തിരുത്തിയില്, യുവമോര്ച്ച മണ്ഡലം പ്രസിഡന്റും കടങ്ങോട് പഞ്ചായത്ത് മെമ്പറുമായ അഭിലാഷ് കടങ്ങോട് എന്നിവര് നേതൃത്വം നല്കി.
