തിരുവനന്തപുരം: മധ്യ പടിഞ്ഞാറന് ബംഗാള് ഉള്ക്കടലിനും വടക്ക് പടിഞ്ഞാറന് ബംഗാള് ഉള്ക്കടലിനും മുകളിലായി ശക്തി കൂടിയ ന്യൂനമര്ദ്ദം സ്ഥിതി ചെയ്യുകയാണ്. ഇത് വടക്ക് പടിഞ്ഞാറ് ദിശയില് സഞ്ചരിച്ചു വടക്കന് ആന്ധ്രാപ്രദേശ്- തെക്കന് ഒഡീഷ തീരത്തേക്ക് നീങ്ങാനാണ് സാധ്യത.
തെക്കന് കൊങ്കണ് തീരം മുതല് വടക്കന് കേരള തീരം വരെ നിലനിന്നിരുന്ന തീരദേശ ന്യൂനമര്ദ്ദപാത്തിയും ദുര്ബലമായിട്ടുണ്ട്. എന്നാല് ന്യൂനമര്ദ്ദത്തെ തുടര്ന്ന് കേരളത്തില് ചില ജില്ലകളില് വ്യാഴാഴ്ച ശക്തമായ മഴക്കും സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ്.
ഒറ്റപ്പെട്ട ചില സ്ഥലങ്ങളിലാണ് വ്യാപകമായ മഴയ്ക്ക് സാധ്യത. ഇതിനെ തുടര്ന്ന് മലപ്പുറം, കോഴിക്കോട്, വയനാട്, കണ്ണൂര്, കാസര്കോഡ് എന്നീ ജില്ലകളിലാണ് യെല്ലോ അലേര്ട്ട് പ്രഖ്യാപിച്ചിരിക്കുന്നത്. അടുത്ത 24 മണിക്കൂറിനുള്ളില് 64.5 മില്ലിമീറ്റര് മുതല് 115.5 മില്ലിമീറ്റര് വരെ മഴ ലഭിച്ചേക്കാം. തെക്കന് കേരളത്തിലും ഒറ്റപ്പെട്ട ഇടങ്ങളില് നേരീയ മഴയ്ക്ക് സാധ്യതയുണ്ട്. ശക്തമായ കാറ്റിനെ തുടര്ന്ന് ഉയര്ന്ന തിരമാലകള് വീശാന് സാധ്യതയുള്ളതിനാല് മത്സ്യത്തൊഴിലാളികള്ക്ക് ജാഗ്രതാ നിര്ദ്ദേശവും നല്കിയിട്ടുണ്ട്.
