തൃശൂര്: വേദിക് വാസ്തുശാസ്ത്ര പഠനത്തിനായി ഏക വര്ഷ ഡിപ്ളോമ കോഴ്സ് ആഗസ്ത് 15 മുതല് ആരംഭിക്കുന്നു. കേന്ദ്ര അംഗീകാരമുള്ള സര്ട്ടിഫിക്കറ്റോടുകൂടി വാസ്തു കണ്സല്ട്ടന്റായി പ്രവര്ത്തിക്കാന് തയ്യാറുള്ളവര്ക്കാണ് ഈ കോഴ്സ്. തൃശൂര് കേന്ദ്രമായി പ്രവര്ത്തിക്കുന്ന വാസ്തുഭാരതി വേദിക് റിസര്ച്ച് അക്കാദമിയുടെ നേതൃത്വത്തില് ഓഫ്ലൈനിലും ഓണ്ലൈനിലും കോഴ്സില് പങ്കെടുക്കാം. കോഴ്സ് പൂര്ത്തിയാക്കുന്നവര്ക്ക് സര്ട്ടിഫിക്കറ്റ് ലഭിക്കും. പ്രമുഖ വാസ്തു ആചാര്യനും വാസ്തുഭാരതി വേദിക് റിസര്ച്ച് അക്കാദമി ചെയര്മാനുമായ ഡോ. നിശാന്ത് തോപ്പിലിന്റെ നേതൃത്വത്തിലാണ് കോഴ്സ് നടത്തുക.
വാസ്തുശാസ്ത്രത്തിന്റെ ആധികാരിക ഗ്രന്ഥങ്ങളായ മാനസാരം, മനുഷ്യാലയചന്ദ്രിക, മയമതം, ബ്രഹ്മാണ്ഡപുരാണം തുടങ്ങിയവ ആധാരമാക്കിയാണ് സിലബസ്.
പങ്കെടുക്കാനാഗ്രഹിക്കുന്നവര് ആഗസ്ത് 15 ന് മുമ്പ് വാസ്തുഭാരതി വേദിക് റിസര്ച്ച് അക്കാദമിയില് പേര് രജിസ്റ്റര് ചെയ്യണം. വിവരങ്ങള്ക്ക് – 9744830888, 8547969788.
