കോഴിക്കോട്: കായക്കൊടി സ്വദേശിയായ ആദിത്യ ചന്ദ്രയുടെ(22) മരണത്തില് ദുരൂഹത ആരോപിച്ച് അച്ഛന് ചന്ദ്രന്. മകള് ആദിത്യയുടെ മരണത്തില് ദുരൂഹതയുണ്ടെന്നും വിശദമായ അന്വേഷണം വേണമെന്ന് ആവശ്യപ്പെട്ട് പിതാവ് കോഴിക്കോട് സിറ്റി പൊലീസ് കമ്മിഷണര്ക്ക് പരാതി നല്കി. ജൂലായ് 13നാണ് കോഴിക്കോട് ഗണപതിക്കുന്നിലെ വാടക വീട്ടിലെ മുറിയില് ആദിത്യ ചന്ദ്രയെ മരിച്ചനിലയില് കണ്ടെത്തുന്നത്.
ആദിത്യയുടെ കൂടെ മാവൂര് സ്വദേശിയും താമസിച്ചിരുന്നു. മരണം സംഭവിച്ചിട്ട് ദിവസങ്ങള് കഴിഞ്ഞിട്ടും മാവൂര് സ്വദേശിയെ ഇതുവരെയും ചോദ്യം ചെയ്യുകയോ തുടര് നടപടികള് സ്വീകരിക്കുകയോ ചെയ്തിട്ടില്ലെന്ന് ചന്ദ്രന് പരാതിയില് ആരോപിക്കുന്നു. മരണത്തിലെ ദുരൂഹത മാറ്റണമെന്നാണ് പരാതിയിലെ പ്രധാന ആവശ്യം. സംസ്ഥാന മനുഷ്യാവകാശ കമ്മിഷന്, ദേശീയ പട്ടികജാതിപട്ടികവര്ഗ കമ്മിഷന് ചെയര്മാന് എന്നിവര്ക്കും പിതാവ് പരാതി നല്കിയിട്ടുണ്ട്.
ആദിത്യയുടെ ദുരൂഹമരണത്തില് പട്ടികജാതി സംരക്ഷണനിയമം അനുസരിച്ച് കേസെടുക്കണമെന്ന് ഹിന്ദു ഐക്യവേദി ആവശ്യപ്പെട്ടു. പെണ്കുട്ടി മരിച്ചിട്ട് ദിവസങ്ങള് കഴിഞ്ഞിട്ടും പൊലീസ് അന്വേഷണം നടത്താത്തത് ബാഹ്യശക്തികളുടെ ഇടപെടല്മൂലമാണെന്നും പോലീസ് നടപടി സ്വീകരിച്ചില്ലെങ്കില് ശക്തമായ ബഹുജനപ്രക്ഷോഭം നടത്തുമെന്നും ഹിന്ദു ഐക്യവേദി സംസ്ഥാന സെക്രട്ടറി ഷൈനു പറഞ്ഞു.
