ബെംഗളൂരൂ : ഇന്ത്യയുടെ ചന്ദ്രയാന് 3 പേടകത്തിന്റെ ഭ്രമണപഥം ഉയര്ത്തല് വീണ്ടും വിജയകരമായി പൂര്ത്തിയാക്കി. ഇത് മൂന്നാമത്തെ തവണയാണ് ഭ്രമണപഥം ഉയര്ത്തിയത്. ഇതി വ്യാഴാഴ്ച ഉച്ചയ്ക്ക് 2 മണിക്കും 3 മണിക്കും ഇടയ്ക്കാണ് അടുത്തതായി ഭ്രമണപഥം ഉയര്ത്തുന്നതെന്ന് ഐഎസ്ആര്ഒ അറിയിച്ചു.
ഐഎസ്ആര്ഒ ടെലിമെട്രി ട്രാക്കിങ് ആന്ഡ് കമാന്ഡ് നെറ്റ് വര്ക്കില് (ISTRAC) നിന്നാണ് പേടകത്തില് നിന്നാണ് സഞ്ചാര പഥത്തില് മാറ്റം വരുത്തുന്നത്. ചന്ദ്രന്റെ ദക്ഷിണ ധ്രുവത്തില് ഇറക്കാനാണ് ശാസ്ത്രജ്ഞല് പരിശ്രമിക്കുന്നത്. ഇനി രണ്ട് തവണ കൂടി പേടകത്തിന്റെ ഭ്രമണ പഥം ഉയര്ത്തും. ശേഷം ഭൂമിയുടെ ആകര്ഷണ പരിധിയില് നിന്ന് പുറത്തുപോവുന്ന പേടകം ഓഗസ്റ്റ് മൂന്നിന് ചാന്ദ്ര പഥത്തില് പ്രവേശിക്കുമെന്നാണ് പ്രതീക്ഷിക്കുന്നത്.
ഓഗസ്റ്റ് 23 ഓടുകൂടി പേടകം ചന്ദ്രനില് ഇറക്കാനാകുമെന്നാണ് വിലയിരുത്തുന്നത്. ലാന്ഡറിനുള്ളില് ചന്ദ്രോപരിതലത്തില് സഞ്ചരിച്ച് വിവരശേഖരണം നടത്താന് കഴിവുള്ള ഒരു റോവറുമുണ്ട്. ജൂലൈ 14ന് സതീഷ് ധവാന് ബഹിരാകാശ നിലയത്തില് നിന്നും ജിഎസ്എല്വി മാര്ക്ക് 3 റോക്കറ്റ് ഉപയോഗിച്ചായിരുന്നു വിക്ഷേപണം നടത്തിയത്.
