കാസര്കോട്: മൂവ്മെന്റ് ഓഫ് ബെറ്റര്കേരളയുടെ നേതൃത്വത്തില് കാസര്കോട് മെഡിക്കല് കോളേജിന്റെ ദുരവസ്ഥയില് പ്രതിഷേധിച്ച് 29ന് ഏകദിന നിരാഹാര സമരം നടത്തുമെന്ന് സംഘാടകര് വാര്ത്താസമ്മേളനത്തില് അറിയിച്ചു.
ദയാബായി തിരുവനന്തപുരത്ത് സമരം അവസാനിപ്പിക്കുമ്പോള് കൊടുത്ത വാഗ്ദാനങ്ങളില്, അമ്മയും കുഞ്ഞും ആശുപത്രി തുറന്നത് ഒഴികെ ഒന്നും നടപ്പിലാക്കാത്ത സാഹചര്യത്തിലാണ് ദയാബായി തുടര് സമരത്തിന് ഒരുങ്ങുന്നത്. സമരം നിര്ത്തിയിട്ട് ഒന്പത് മാസം കഴിഞ്ഞിട്ടും എന്ഡോസള്ഫാന് ദുരിതബാധിതരെ കണ്ടെത്താന് ക്യാമ്പ് നടത്താന് പോലും സര്ക്കാരിന് ഇതുവരെ സാധിച്ചിട്ടില്ല. ഉക്കിനടുക്ക കാസര്കോട് മെഡിക്കല് കോളേജ് പരിസരത്താണ് സമരം നടത്തുന്നതെന്ന് ദയാബായി, എ.കെ.പ്രകാശ,് ശ്രീനാഥ് ശശി, രാജന്.വി.ബാലൂര് എന്നിവര് അറിയിച്ചു.
