മണ്ണാര്‍ക്കാട്: അട്ടപ്പാടി പുതൂര്‍ പഞ്ചായത്തിലെ പാലൂര്‍ ക്ഷീരോത്പാദക സഹകരണ സംഘം തെരഞ്ഞെടുപ്പില്‍ ബിജെപി വിജയിച്ചു. ഒമ്പതംഗ ഭരണ സമിതിയില്‍ ഏഴ് സീറ്റുകള്‍ നേടിയാണ് ബിജെപി വന്‍മുന്നേറ്റം കാഴ്ചവെച്ചത്. എല്‍ഡിഎഫും യുഡിഎഫും ഒരോ സീറ്റുവീതം നേടി.
എല്‍ഡിഎഫിന്റെയും യുഡിഎഫിന്റെയും കൂട്ടുമുന്നണിയെ പരാജയപ്പെടുത്തിയാണ് ബിജെപി പാനല്‍ വന്‍ വിജയം കരസ്ഥമാക്കിയത്. ബിജെപിയിലെ എന്‍. ഈശ്വരന്‍, പി. ചിന്നസ്വാമി, എന്‍. മല്ലീശ്വരന്‍, പി.എസ്. സെന്തില്‍ കുമാര്‍, ഉമ മഹേശ്വരി, എം. വിജയ, സുമതി എന്നിവരാണ് വിജയിച്ചത്. കഴിഞ്ഞ കുറെ വര്‍ഷങ്ങളായി ഇരു മുന്നണിളുമാണ് മാറിമാറി സൊസൈറ്റി ഭരിച്ചിരുന്നത്.
