നാഗര്കോവില്: നടനും സംഘട്ടന സംവിധായകനുമായ കനല്ക്കണ്ണന് അറസ്റ്റില്. മതവികാരം വ്രണപ്പെടുത്തിയെന്ന പേരില് ഡിഎംകെ നേതാവ് നല്കിയ പരാതിയിന്മേലായിരുന്നു നടപടി. നാഗര്കോവില് സൈബര് ക്രൈം ഓഫിസില് അദ്ദേഹം രാവിലെ പത്തിന് ചോദ്യം ചെയ്യലിനായി ഹാജരായിരുന്നു. തമിഴ്നാട് ഹിന്ദു മുന്നണിയുടെ സംസ്ഥാന അധ്യക്ഷന് കൂടിയാണ് കനല് കണ്ണന്.
ക്രിസ്ത്യന് മതവിഭാഗത്തെ അപകീര്ത്തിപ്പെടുന്നതും മതവിശ്വാസികള്ക്കിടയില് വിദ്വേഷം പടര്ത്തുന്നതുമാണ് കണ്ണന്റെ ട്വീറ്റെന്നാണ് കന്യാകുമാരിയിലെ ഡി.എം.കെ. നേതാവ് ഓസ്റ്റിന് ബെന്നറ്റിന്റെ പരാതിയില് പറയുന്നത്.
സൈബര് ക്രൈം ഓഫീസില് രാവിലെ പത്തിന് അദ്ദേഹം ചോദ്യം ചെയ്യലിന് ഹാജരായ സമയം മുതല് ബിജെപി പ്രവര്ത്തകര് പ്രതിഷേധമറിയിച്ച് തടിച്ച് കൂടിയിരുന്നു. തമിഴ്, മലയാളം തുടങ്ങി ദക്ഷിണേന്ത്യയിലെയും ഹിന്ദി ചലചിത്രങ്ങളിലും സ്റ്റണ്ട് മാസ്റ്ററായി പ്രവര്ത്തിച്ചുവരുന്ന കലാകാരനാണ് കനല്ക്കണ്ണന്.
