വാഷിംഗ്ടണ്‍: സ്വന്തം രാജ്യത്തെക്കുറിച്ച് നല്ലത് പറയാത്ത രാഹുല്‍ഗാന്ധിയെപ്പോലെ ഒരാള്‍ക്ക് വോട്ട് ചെയ്യുക എന്നത് ഇന്ത്യയിലെ പൗരന്മാര്‍ക്ക് അങ്ങേയറ്റം ദുഷ്കരമായ അനുഭവമായിരിക്കുമെന്ന് വൈറ്റ് ഹൗസ് ഗായിക മേരി മില്‍ബെന്‍.
ഐക്യരാഷ്‌ട്രസഭ സംഘടിപ്പിച്ച അന്താരാഷ്ട്ര യോഗ ദിനത്തില്‍ ഇന്ത്യയുടെ ദേശീയ ഗാനം പാടി മനം കവര്‍ന്ന ഗായികയാണ് മേരി മില്‍ബെന്‍. അന്ന് ഇന്ത്യന്‍ പ്രധാനമന്ത്രി മോദിയ്‌ക്കുള്ള സമര്‍പ്പണം എന്ന നിലയിലാണ് മേരി മില്‍ബെന്‍ ഭാരതത്തിന്റെ ദേശീയ ഗാനം ആലപിച്ചത്. അന്ന് മേരി മില്‍ബെന്‍ മോദിയുടെ പാദങ്ങള്‍ തൊട്ട് അനുഗ്രഹം തേടുകയും ചെയ്തത് അന്താരാഷ്‌ട്രമാധ്യമങ്ങളില്‍ വലിയ വാര്‍ത്തയായിരുന്നു. യുഎസ് ആഭ്യന്തരമന്ത്രാലയത്തിന്റെ പ്രതിനിധിയും സാംസ്കാരിക അംബാസഡറുമായി പ്രവര്‍ത്തിച്ചിട്ടുണ്ട് മേരി മില്‍ബെന്‍. ഇപ്പോള്‍ വൈറ്റ് ഹൗസിലെ ഔദ്യോഗിക ഗായിക കൂടിയാണ് മില്‍ബെന്‍. രാഹുല്‍ ഗാന്ധിയുടെ ഏതാനും വീഡിയോകള്‍ കണ്ട ശേഷമായിരുന്നു മേരി മില്‍ബെന്റെ ഈ പ്രതികരണം.
എവിടെപ്പോയാലും ഇന്ത്യയെക്കുറിച്ച് നെഗറ്റീവായി സംസാരിക്കുന്ന കോണ്‍ഗ്രസ് നേതാവ് രാഹുല്‍ഗാന്ധി മനംപുരട്ടലുണ്ടാക്കുന്നുവെന്നും മേരി മില്‍ബെന്‍ പറഞ്ഞു. യുഎസ് -ഇന്ത്യ ബന്ധങ്ങള്‍ മെച്ചപ്പെടുത്താന്‍ മോദിയെപ്പോലെ മഹാനായ നേതാവ് വേറെയില്ലെന്നും മേരി മില്‍ബെന്‍ പറഞ്ഞു.
പ്രതികരിക്കാൻ ഇവിടെ എഴുതുക: