ന്യൂദല്ഹി: പ്രധാനമന്ത്രി നരേന്ദ്ര മോദിയെ ഒറ്റയ്ക്ക് പരാജയപ്പെടുത്താന് കഴിയില്ലെന്ന് കോണ്ഗ്രസ് സമ്മതിച്ചതിന് നന്ദി. ഇതിനു ഉദാഹരണമാണ് മറ്റുള്ളവരുടെ പിന്തണക്കായി പട്നയില് വിളിച്ചുകൂട്ടിയ യോഗമെന്നും കേന്ദ്രമന്ത്രി സ്മൃതി ഇറാനി.
ബിഹാറിലെ പട്നയില് നിതീഷ് കുമാര് ഇന്ന് വിളിച്ചുകൂട്ടിയ പ്രതിപക്ഷ നേതാക്കളുടെ യോഗത്തെ വാര്ത്താസമ്മേളനത്തില് സ്മൃതി ഇറാനി പരിഹസിക്കുകയും ചെയ്തു. അടിയന്തരാവസ്ഥക്കാലത്ത് ജനാധിപത്യത്തെ കൊലപ്പെടുത്തിയത് നേരിട്ടു കണ്ടവര് ഇന്ന് കോണ്ഗ്രസിന് കീഴില് കൂട്ടംകൂടിയിരിക്കുന്നത് തമാശയാണെന്നും സ്മൃതി ഇറാനി കുറ്റപ്പെടുത്തി.
നരേന്ദ്രമോദിയുടെ മുന്നില് സ്വന്തം കഴിവുകള് അപര്യാപ്തമാണെന്ന് രാജ്യത്തിന് സൂചന നല്കാന് ആഗ്രഹിക്കുന്ന ആളുകള് ഒത്തുചേരുന്നത് സന്തോഷകരമാണെന്നും അവര് വ്യക്തമാക്കി.
