വാഷിംഗ്ടണ്: പ്രധാനമന്ത്രി മോദി യുഎസ് പ്രസിഡന്റ് ജോ ബൈഡനുമായുള്ള കൂടിക്കാഴ്ചയ്ക്ക് മുന്നോടിയായി വാഷിംഗ്ടണ് ഡിസിയിലേക്ക് പുറപ്പെട്ടു. മോദി യുഎസില് താമസിക്കുന്ന വാഷിംഗ്ടണ് ഡിസി ഹോട്ടലിന് മുന്നില് ‘ഗര്ബ’ ഡാന്സുമായി യുഎസിലെ ഇന്ത്യക്കാര് മോദിയെ വരവേല്ക്കാനൊരുങ്ങി.
നേരത്തെ യുഎന് ആസ്ഥാനത്ത് യോഗാദിനാചരണത്തെ നയിച്ച ശേഷമാണ് മോദി വാഷിംഗ്ടണ് ഡിസിയിലേക്ക് പുറപ്പെട്ടത്.അന്താരാഷ്ട്ര യോഗ ദിനത്തില് തന്നോടൊപ്പം ചേര്ന്നവരോട് നന്ദിയുണ്ടെന്നും അവരുടെ ഊര്ജ്ജവും പ്രതിബദ്ധതയും അപാരമാണെന്നും മോദി പറഞ്ഞു. ന്യൂയോര്ക്കിലേത് ഗംഭീര യോഗാദിനാചരണമായിരുന്നെന്നും മോദി ട്വിറ്ററില് കുറിച്ചു.
വ്യാഴാഴ്ച രാവിലെ മോദി യുഎസ് പ്രസിഡന്റ് ജോ ബൈഡനുമായി കൂടിക്കാഴ്ച നടത്തും. പിന്നീട് ഔദ്യോഗികമായി യുഎസ് പ്രസിഡന്റ് നല്കുന്ന അത്താഴവിരുന്നും നടക്കും.
