ജക്കാര്ത്ത: ഇന്തോനേഷ്യ ഓപ്പണ് വേള്ഡ് ടൂര് സൂപ്പര് 1000 ടൂര്ണമെന്റില് നിന്ന് ഇന്ത്യയുടെ കിഡംബി ശ്രീകാന്ത് പുറത്ത്. ക്വാട്ടറില് ചൈനയുടെ ലി ഷി ഫെംഗിനോടാണ് ഇന്ത്യന് താരം പരാജയപ്പെട്ടത്.
ലോക പത്താം നമ്പര് താരം ഫെംഗിനെതിരെ ഒരു മണിക്കൂര് ഒമ്പത് മിനിറ്റില് 14-21, 21-14, 12-21 എന്ന സ്കോറിനാണ് ശ്രീകാന്ത് തോറ്റത്.
അതേസമയം ഇവിടെ ഇരുവരും സീഡ് ചെയ്യപ്പെട്ടിട്ടില്ല.
രണ്ടാം സെറ്റില് മാത്രമാണ് ശ്രീകാന്തിന് മേല്ക്കൈ നേടാനായത്. എന്നാല് മൂന്നാം സെറ്റില് ശ്രീകാന്തിന് മേധാവിത്വം തുടരാനായില്ല. ഇടയ്ക്ക് ചൈനീസ് താരം പരിക്കിന് ചികിത്സ തേടിയെങ്കിലും അത് കളിയെ ബാധിച്ചില്ല.
