ലണ്ടന്: ബ്രിട്ടനിലെ നോട്ടിംഗ്ഹാമില് മൂന്ന് പേരെ മരിച്ച നിലയില് കണ്ടെത്തി. മറ്റ് മൂന്ന് പേര്ക്ക് വാന് ഇടിച്ച് പരിക്കേറ്റു.പരസ്പര ബന്ധമുളള സംഭവങ്ങളാണിതെന്ന് പൊലീസ് പറഞ്ഞു.
പ്രതിയെന്ന് സംശയിക്കുന്ന 31 കാരനെ പൊലീസ് അറസ്റ്റ് ചെയ്തു. പുലര്ച്ചെ നാല് മണിക്ക് ശേഷം ഇല്കെസ്റ്റണ് റോഡില് രണ്ട് പേരെ തെരുവില് മരിച്ച നിലയില് കണ്ടെത്തുകയായിരുന്നു.
പിന്നീട് മില്ട്ടണ് സ്ട്രീറ്റിലെ മറ്റൊരു സംഭവത്തില് ഒരു വാന് മൂന്ന് പേരെ ഇടിക്കാന് ശ്രമിച്ചു. ഇവര് ഇപ്പോള് ആശുപത്രിയില് ചികിത്സയിലാണ്. മഗ്ദല റോഡിലും ഒരാളെ മരിച്ച നിലയില് കണ്ടെത്തി.
മൂന്ന് പേരുടെ ജീവന് അപഹരിച്ച ഭയാനകവും ദാരുണവുമായ സംഭവമാണുണ്ടായത്. ‘ഈ മൂന്ന് സംഭവങ്ങളും തമ്മില് ബന്ധമുണ്ടെന്ന് ഞങ്ങള് വിശ്വസിക്കുന്നു, ഒരാളെ പിടികൂടിയിട്ടുണ്ട്- പൊലീസ് അറിയിച്ചു.
പ്രതിയെന്ന് സംശയിക്കുന്ന യുവാവിനെ പിടികൂടുന്നതിന്റെ വീഡിയോ ദൃശ്യങ്ങള് സമൂഹമാധ്യമങ്ങളില് പ്രചരിക്കുന്നുണ്ട്.
