ന്യൂഡല്ഹി: മോശം കാലാവസ്ഥയെ തുടര്ന്ന് ശനിയാഴ്ച അമൃത്സര്-അഹമ്മദാബാദ് ഇന്ഡിഗോ വിമാനം പാകിസ്ഥാന് വ്യോമാതിര്ത്തിയില് പ്രവേശിച്ചതായി അധികൃതര് അറിയിച്ചു. മോശം കാലാവസ്ഥയെ തുടര്ന്ന് അമൃത്സറില് നിന്ന് അഹമ്മദാബാദിലേക്കുള്ള വിമാനം ഇന്നലെ പാകിസ്ഥാന് വ്യോമാതിര്ത്തിയില് പ്രവേശിച്ചതായി ഇന്ഡിഗോ ഉദ്യോഗസ്ഥന് പറഞ്ഞു.
6ഇ-645 ഫ്ലൈറ്റ് അമൃത്സറില് നിന്ന് വൈക്കിട്ട് എട്ടുമണിക്കാണ് പറന്നുയര്ന്നത്. തുടര്ന്ന് പാകിസ്ഥാന് വ്യോമാതിര്ത്തിയിലേക്ക് വഴിതിരിച്ച് പോയ ശേഷം രാത്രി 09.40ഓടെ അഹമ്മദാബാദില് സുരക്ഷിതമായി എത്തിചേരുകയായിരുന്നു.
ഇരുരാജ്യങ്ങളിലേ എടിസിയും വിമാനം നിരീക്ഷിക്കുകയും വഴിതിരിച്ചുവിടല് വ്യക്തമായി ഏകോപിപ്പിക്കുകയും ചെയ്തു. ആര്/ടിയില് ജോലിക്കാര് പാക്കിസ്ഥാനുമായി തുടര്ച്ചയായി ബന്ധപ്പെട്ടിരുന്നു. വിമാനം വഴിതിരിച്ചുവിടല് കഴിഞ്ഞ് സുരക്ഷിതമായി അഹമ്മദാബാദില് ലാന്ഡ് ചെയ്തുവെന്നും ഇന്ഡിഗോ പ്രസ്താവനയില് പറഞ്ഞു.
