കാസര്കോഡ് : വ്യാജ സര്ട്ടിഫിക്കറ്റ് നല്കി ഗസ്റ്റ് അധാപക നിയമനം നേടിയെടുക്കാന് ശ്രമിച്ചെന്ന കേസില് മുന് എസ്എഫ്ഐ നേതാവ് കെ. വിദ്യയെ ഇതുവരെ കണ്ടെത്താന് പോലീസിന് സാധിച്ചില്ല. വിദ്യ ഒളിവിലാണെന്നാണ് അന്വേഷണ സംഘം ആവര്ത്തിക്കുന്നത്.
വിദ്യയ്ക്കെതിരെ പരാതി ലഭിച്ച് നാല് ദിവസങ്ങള് പിന്നിട്ടിട്ടും പോലീസ് കണ്ടെത്താനായില്ല, ഒളിവിലാണെന്ന് ആവര്ത്തിക്കുകയാണ്. അതേസമയം വ്യാജ സര്ട്ടിഫിക്കറ്റ് നല്കിയെന്ന കേസില് അന്വേഷണ സംഘം ഇന്ന് വിദ്യയുടെ വീട്ടില് പരിശോധന നടത്തും. അഗളി പോലീസ് സംഘമാണ് തൃക്കരിപ്പൂരിലെ വിദ്യയുടെ വീട്ടിലെത്തുന്നത്. അട്ടപ്പാടി കോളേജ് പ്രിന്സിപ്പല് ലാലിമോള് നല്കിയ പരാതിയിലാണ് ഈ നടപടി.
കരിന്തളം ഗവണ്മെന്റ് കോളേജ് അധികൃതരും വ്യാജ സര്ട്ടിഫിക്കറ്റ് ഹാജരാക്കിയതില് വിദ്യയ്ക്കെതിരെ പരാതി നല്കിയിട്ടുണ്ട്. നീലേശ്വരം പോലീസ് രജിസ്റ്റര് ചെയ്ത ഈ കേസിലും അന്വേഷണം നടന്നു വരികയാണ്. അഗളി പോലീസ് സംഘം കരിന്തളം കോളേജിലെത്തി മുന് പ്രിന്സിപ്പല് അടക്കമുള്ളവരുടെ മൊഴി രേഖപ്പെടുത്തും. മഹാരാജാസ് കോളേജ് അധികൃതരുടെ മൊഴിയും ഇതോടൊപ്പം രേഖപ്പെടുത്തും.
