പാരീസ് : ഫ്രഞ്ച് ഓപ്പണില് നൊവാക് ജോക്കോവിച്ച്, കാര്ലോസ് അല്കാരാസ്, സ്റ്റെഫാനോസ് സിറ്റ്സിപാസ്, എലീന സ്വിറ്റോലിന, അരിന സബലങ്ക എന്നിവര് ക്വാട്ടര് ഫൈനലിലെത്തി.
പുരുഷ സിംഗിള്സിന്റെ നാലാം റൗണ്ടില് സെര്ബിയന് മൂന്നാം സീഡ് ജോക്കോവിച്ച് പെറുവിന്റെ ജുവാന് പാബ്ലോ വരില്ലസിനെ 6-3 6-2 6-2 ന് തോല്പ്പിച്ച് 17-ാം ഫ്രഞ്ച് ഓപ്പണ് പുരുഷ ക്വാര്ട്ടര് ഫൈനലിലെത്തി.
സീഡ് ചെയ്യപ്പെടാത്ത ഇറ്റാലിയന് താരം ലോറെന്സോ സോനെഗോയെ 1-6, 6-4, 7-6(7), 6-1 എന്ന സ്കോറിന് തോല്പ്പിച്ച് 11-ാം സീഡായ ഖച്ചനോവ് തന്റെ തുടര്ച്ചയായ മൂന്നാം ഗ്രാന്ഡ്സ്ലാം ക്വാര്ട്ടര് ഫൈനലിലേക്ക് മുന്നേറി.
ലോക അഞ്ചാം നമ്പര് താരം സ്റ്റെഫാനോസ് സിറ്റ്സിപാസ് 7-5, 6-3, 6-0 എന്ന സ്കോറിനാണ് ഓസ്ട്രിയയുടെ സെബാസ്റ്റ്യന് ഒഫ്നറിനെ പരാജയപ്പെടുത്തിയത്. ക്വാര്ട്ടര് ഫൈനലില് ലോക ഒന്നാം നമ്പര് താരം കാര്ലോസ് അല്കാരാസിനെ നേരിടും. 17-ാം സീഡായ ഇറ്റലിയുടെ ലോറെന്സോ മുസെറ്റിക്കെതിരെ സ്പെയിനിന്റെ അല്കാരാസ് 6-3, 6-2, 6-2 എന്ന സ്കോറിനാണ് ജയിച്ചത്.
വനിതാ സിംഗിള്സ് നാലാം റൗണ്ടില് യുക്രെയ്നിന്റെ എലീന സ്വിറ്റോലിന റഷ്യന് ഒമ്പതാം സീഡ് ഡാരിയ കസത്കിനയെ 6-4 7-6 (7-5) ന് തോല്പിച്ച് അവസാന എട്ടിലെത്തി. എലീന സ്വിറ്റോലിന അടുത്തതായി അരിന സബ്ലെങ്കയുമായി കളിക്കും.
റഷ്യയുടെ അനസ്താസിയ പാവ്ലിയുചെങ്കോവ ബെല്ജിയത്തിന്റെ 28-ാം സീഡ് എലിസ് മെര്ട്ടന്സിനെ 3-6 7-6 (73) 6-3 എന്ന സ്കോറിന് പരാജയപ്പെടുത്തി. ക്വാര്ട്ടര് ഫൈനലില് കരോലിന മുച്ചോവയെയാണ് പാവ്ലുചെങ്കോവ നേരിടുക. ചെക്ക് താരം മുച്ചോവ റഷ്യന് താരം എലീന അവനേസ്യനെ 6-4 6-3 ന് പരാജയപ്പെടുത്തി.
