ന്യൂദല്ഹി: പ്രധാനമന്ത്രി നരേന്ദ്ര മോദിയുടെ അമേരിക്കന് പര്യടനത്തിന് മുന്നോടിയായി ഉഭയകക്ഷി ബന്ധം കൂടുതല് വിപുലീകരിക്കുന്നതിനുള്ള മാര്ഗങ്ങള് ആരായാന് യുഎസ് പ്രതിരോധ സെക്രട്ടറി ലോയ്ഡ് ഓസ്റ്റിന് ഇന്ന് ന്യൂദല്ഹിയില് എത്തും. രണ്ട് ദിവസത്തെ ഇന്ത്യാ സന്ദര്ശനത്തിനായാണ് ലോയ്ഡ് ഓസ്റ്റിന് എത്തുന്നത്.
പ്രതിരോധമന്ത്രി രാജ്നാഥ് സിംഗ് ഓസ്റ്റിനുമായി തിങ്കളാഴ്ച കൂടിക്കാഴ്ച നടത്തും.നിരവധി പുതിയ പ്രതിരോധ സഹകരണ പദ്ധതികള് ചര്ച്ച ചെയ്യും.
ഇതിന് പുറമെ, ന്യൂ ദല്ഹിയില് ഇന്നൊവേഷന്സ് ഫോര് ഡിഫന്സ് എക്സലന്സ് (ഐഡെക്സ്) സംഘടിപ്പിക്കുന്ന പരിപാടിയില് സംബന്ധിക്കും.
ഏതാനും പ്രതിരോധ സ്റ്റാര്ട്ടപ്പുകളുമായി അദ്ദേഹം കൂടിക്കാഴ്ച നടത്തിയേക്കും. ബുധനാഴ്ച ലോയ്ഡ് ഓസ്റ്റിന് മുംബൈയിലേക്ക് പോകും.
അതേസമയം ജര്മ്മന് പ്രതിരോധ മന്ത്രി ബോറിസ് പിസ്റ്റോറിയസ് നാല് ദിവസത്തെ ഇന്ത്യാ സന്ദര്ശനത്തിനായി നാളെ ദല്ഹിയിലെത്തും.
