കോഴിക്കോട്: കോളേജ് വിദ്യാര്ത്ഥിനിയെ ലഹരി നല്കി പലയിടങ്ങളില് കൊണ്ടുപോയി പീഡിപ്പിച്ചു. ഒടുവില്പെണ്കുട്ടിയെ താമരശ്ശേരി ചുരത്തില് ഉപേക്ഷിച്ചു. കേസുമായി ബന്ധപ്പെട്ട് ഒരാളെ കസ്റ്റഡിയിലെടുത്തു. ഇയാളുടെ വിശദാംശങ്ങള് പോലീസ് പുറത്തുവിട്ടിട്ടില്ല. ഉച്ചയോടെ ഇയാളുടെ അറസ്റ്റ് രേഖപ്പെടുത്തും. താമരശ്ശേരിയിലെ സ്വകാര്യ കോളേജിലെ വിദ്യാര്ത്ഥിനിയാണ് പീഡനത്തിനിരയായത്.
കഴിഞ്ഞ ചൊവ്വാഴ്ചയാണ് പെണ്കുട്ടിയെ കാണാതായത്.വീട്ടിലേക്ക് പോകുകയാണെന്ന് പറഞ്ഞ് ഇറങ്ങിയതായിരുന്നു പെണ്കുട്ടി. തിരിച്ചെത്താത്തതിനെ തുടര്ന്ന് ഹോസ്റ്റല് അധികൃതര് വീട്ടിലേക്ക് വിളിച്ചപ്പോഴാണ് അവിടെ എത്തിയിട്ടില്ലെന്ന് മനസിലായത്. തുടര്ന്ന് പിതാവ് പൊലീസില് പരാതി നല്കുകയായിരുന്നു. ഇന്നലെ രാത്രി ഒന്പതാം വളവില് നിന്നാണ് പെണ്കുട്ടിയെ കണ്ടെത്തിയത്.
