സലാല: ഒമാനിലെ സലാല കായിക സമുച്ചയത്തില് നടക്കുന്ന പുരുഷ ജൂനിയര് ഏഷ്യാ കപ്പ് 2023 ഹോക്കി ഫൈനലില് നിലവിലെ ചാമ്പ്യന്മാരായ ഇന്ത്യ ചിരവൈരികളായ പാകിസ്ഥാനെ നേരിടും. ഇന്ത്യന് സമയം രാത്രി 9.30നാണ് മത്സരം .
ഇത്തവണത്തെ ജൂനിയര് ഏഷ്യാ കപ്പില് ഇന്ത്യയും പാകിസ്ഥാനും തോല്വി അറിഞ്ഞിട്ടില്ല. നേരത്തെ ലീഗ് ഘട്ടത്തില് ഇരു ടീമുകളും ഏറ്റുമുട്ടിയപ്പോള് 1-1 സമനിലയില് കലാശിച്ചിരുന്നു. എന്നാല് രണ്ടാം സ്ഥാനക്കാരായ പാകിസ്ഥാനെക്കാള് മികച്ച ഗോള് വ്യത്യാസം ഉള്ളതിനാല് ഇന്ത്യ ഗ്രൂപ്പില് ഒന്നാമതെത്തി.
ചൈനീസ് തായ്പേയെ 18-0 നും ജപ്പാനെ 3-1 നും തോല്പ്പിച്ചാണ് ഇന്ത്യ കുതിപ്പ് തുടങ്ങിയത്. അവസാന ഗ്രൂപ്പ് മത്സരത്തില് ഇന്ത്യ തായ്ലന്ഡിനെ 17-0ന് തോല്പിച്ചു. സെമിയില് ഇന്ത്യ റിപ്പബ്ലിക് ഓഫ് കൊറിയയെ 9-1ന് പരാജയപ്പെടുത്തി. എട്ട് വര്ഷത്തിന് ശേഷമാണ് പുരുഷന്മാരുടെ ജൂനിയര് ഏഷ്യാ കപ്പ് ഹോക്കി ടൂര്ണമെന്റ് നടക്കുന്നത്. കൊവിഡ് കാരണം 2021ല് മത്സരങ്ങള് റദ്ദാക്കി.
