ബെംഗളൂരു : കര്‍ണാടക നിയമസഭാ തെരഞ്ഞെടുപ്പില്‍ നിലംതൊടാനാതെ സിപിഎം. കഴിഞ്ഞ തവണത്തെ തെരഞ്ഞെടുപ്പില്‍ പരാജയപ്പെട്ടതിനാല്‍ ഇത്തവണ ജെഡിഎസിന്റെ പിന്തുണയില്‍ വന്‍ പ്രതീക്ഷയോടെയാണ് തെരഞ്ഞെടുപ്പിനെ നേരിട്ടത്. എന്നിട്ടും പരാജയപ്പെടുകയായിരുന്നു.
ബാഗേപ്പള്ളി മണ്ഡലത്തിലാണ് സിപിഎം കൂടുതല്‍ പ്രതീക്ഷയര്‍പ്പിച്ചത്. എന്നാല്‍ അതിലും മൂന്നാം സ്ഥാനത്ത് എത്താനേ സിപിഎമ്മിന് സാധിച്ചൊള്ളൂ. കെജിഎഫ് എന്നറിയപ്പെടുന്ന കോലാര്‍ ഗോള്‍ഡ് ഫീല്‍ഡ്, ഗുല്‍ബര്‍ഗ റൂറല്‍, കെആര്‍ പുരം എന്നീ മണ്ഡലങ്ങളാണ് ബാഗേപ്പള്ളി കൂടാതെ സിപിഎം മത്സരിച്ചത്.
ബാഗേപ്പള്ളിയില്‍ ഒഴിച്ച് ഈ മണ്ഡലങ്ങളിലെല്ലാം മൂന്നാമതിലും താഴെയായിട്ടായിരുന്നു സിപിഎമ്മിന്റെ സീറ്റ് നില. കോണ്‍ഗ്രസ്സാണ് ഈ നാല് മണ്ഡലങ്ങളിലും വിജയിച്ചത്.
