ഹൈദ്രാബാദ് : ഐപിഎല് ക്രിക്കറ്റില് ഇന്ന് രണ്ട് മത്സരങ്ങള്.സണ്റൈസേഴ്സ് ഹൈദരാബാദ് ഉച്ചകഴിഞ്ഞ് 3.30 ന് ഹൈദരാബാദില് ലക്നൗ സൂപ്പര് ജയന്റ്സിനെ നേരിടും.
രണ്ടാം മത്സരത്തില് ദല്ഹി ക്യാപിറ്റല്സ് പഞ്ചാബ് കിംഗ്സുമായി രാത്രി 7.30 ന് കൊമ്പുകോര്ക്കും. ദല്ഹി അരുണ് ജയ്റ്റലി സ്റ്റേഡിയത്തിലാണ് മത്സരം.
ഇന്നലെ രാത്രി മുംബൈയിലെ വാങ്കഡെ സ്റ്റേഡിയത്തില് നടന്ന മത്സരത്തില് മുംബൈ ഇന്ത്യന്സ് ഗുജറാത്ത് ടൈറ്റന്സിനെ 27 റണ്സിന് പരാജയപ്പെടുത്തി.
219 വിജയ ലക്ഷ്യം പിന്തുടര്ന്ന ഗുജറാത്ത് ടൈറ്റന്സിന് 191-8 റണ്സ് എടുക്കാനെ ആയുള്ളൂ. അവസാനം ഒറ്റയാള് പോരാട്ടം നടത്തിയ റഷീദ് ഖാന് ആണ് ഗുജറാത്തിനെ ഇത്രയും ഭേദപ്പെട്ട സ്കോറിലേക്കെത്തിച്ചത്. 32 പന്തില് നിന്ന് 79 റണ്സ് ആണ് റഷീദ് ഖാന്റെ സാമ്പാദ്യം.10 സിക്സും മൂന്ന് ഫോറും അടങ്ങുന്നതായിരുന്നു താരത്തിന്റെ ഇന്നിംഗ്സ്.
മുംബയ് ക്ക് വേണ്ടി ആകാശ് മദ്വാള് മൂന്ന് വിക്കറ്റ് വീഴ്ത്തി. പിയുഷ് ചൗള, കാര്ത്തികേയ എന്നിവര് രണ്ടു വിക്കറ്റ് വീതവും വീഴ്ത്തി.
