കറാച്ചി: ലൈംഗിക ദാരിദ്രത്തെ തുടര്ന്ന് പാക്കിസ്ഥാനില് ഞെട്ടിക്കുന്ന പുതിയ പ്രവണതയുടെ നിരവധി കേസുകള് റിപ്പോര്ട്ട് ചെയ്യുന്നു. സ്ത്രീകളുടെ പ്രത്യേകിച്ച് മരിച്ച പ്രായപൂര്ത്തി ആകാത്ത പെണ്കുട്ടികളുടെ ശവകുടീരം പൊളിച്ച് ശവശരീരത്തെ ബലാത്സംഗം ചെയ്യുന്ന നെക്രോഫീലിയ എന്ന വിളിക്കപ്പെടുന്ന സംഭവങ്ങള് തുടര്ച്ചായി റിപ്പോര്ട്ട് ചെയ്യപ്പെടുകയാണ്. ഇതേത്തുടര്ന്ന് പെണ്മക്കളുടെ ശവകുടീരങ്ങള് ഇപ്പോള് പലയിടത്തും മാതാപിതാക്കള് പൂട്ടിട്ടു പൂട്ടുകയാണ്. ഇതിന്റെ നിരവധി ചിത്രത്തില് ട്വിറ്ററില് അടക്കം പ്രചരിക്കുകയാണ്.
2011ല് കറാച്ചിയിലെ നോര്ത്ത് നസിമാബാദില് നിന്നുള്ള മുഹമ്മദ് റിസ്വാന് എന്നയാള് ശവക്കുഴി തോണ്ടി 48 സ്ത്രീകളുടെ ശവശരീരങ്ങളെ ബലാത്സംഗം ചെയ്തതായി സമ്മതിച്ചതിന് ശേഷം അറസ്റ്റ് ചെയ്യപ്പെട്ടതാണ് പാകിസ്ഥാനില് ഇതുവരെ റിപ്പോര്ട്ട് ചെയ്യപ്പെട്ടിട്ടുള്ളതില് വച്ച് ഏറ്റവും ഭയാനകമായ നെക്രോഫീലിയ കേസ്. 2022 മെയ് മാസത്തില്, പാക്കിസ്ഥാനിലെ ചക് കമല ഗ്രാമത്തില് ചില അജ്ഞാതര് ഒരു കൗമാരക്കാരിയുടെ മൃതദേഹം കുഴിച്ചെടുത്ത് ബലാത്സംഗം ചെയ്തിരുന്നു. വീട്ടുകാര് മരിച്ചയാളെ സംസ്കരിച്ച അതേ രാത്രിയിലാണ് സംഭവം.
മരണപ്പെട്ട പെണ്കുട്ടിയുടെ ബന്ധുക്കള് അവരുടെ മതപരമായ ആചാരപ്രകാരം പിറ്റേന്ന് രാവിലെ ശ്മശാനം സന്ദര്ശിച്ചപ്പോഴാണ് ഞെട്ടിക്കുന്ന സംഭവം പുറത്തറിയുന്നത്. മൃതദേഹം കുഴിച്ച് മൂടാതെ കിടക്കുന്നതായി ബന്ധുക്കള് കണ്ടെത്തി. ബലാത്സംഗത്തിന്റെ ലക്ഷണങ്ങള് ശരീരത്തില് കാണപ്പെട്ടിരുന്നു. 2021ല്, തീരദേശ നഗരമായ ഗുലാമുല്ലയ്ക്ക് സമീപമുള്ള മൗലവി അഷ്റഫ് ചാന്ദിയോ ഗ്രാമത്തില് ചില അജ്ഞാതര് സമാനമായ ക്രൂരമായ പ്രവൃത്തി നടത്തിയിരുന്നു.
2020 ല്, പാകിസ്ഥാനിലെ പഞ്ചാബിലെ ഒരു ശ്മശാനത്തില് ഒരു സ്ത്രീയുടെ മൃതദേഹത്തോടെ ഫെബ്രുവരി 28 ന് ഒരാളെ അറസ്റ്റ് ചെയ്തിരുന്നു. പഞ്ചാബ് പ്രവിശ്യയിലെ ഒകാര നഗരത്തിലാണ് സംഭവം. അഷ്റഫ് എന്ന പേരിലാണ് പ്രതിയെ തിരിച്ചറിഞ്ഞത്. 2019 ല്, കറാച്ചിയിലെ ലാന്ധി ടൗണില് ഒരു സ്ത്രീയുടെ മൃതദേഹം അജ്ഞാതര് കുഴിച്ചെടുത്ത് ബലാത്സംഗം ചെയ്തു.
ഇതിനു പിന്നാലെയാണ് കഴിഞ്ഞ ദിവസം മുഹമ്മദ് മുനീറിന്റെ പതിനഞ്ചുകാരിയായ മകള് സൈനബയുടെ മൃതദേഹം ശ്മശാനത്തിന് പുറത്ത് ബലാത്സംഗം ചെയ്ത നിലയില് കണ്ടെത്തിയത്. വൈദ്യുതാഘാതമേറ്റ് മരിച്ച സൈനബയെ അടക്കം ചെയ്ത അതേരാത്രി തന്നെ ശവക്കുഴി തോണ്ടി മൃതദേഹത്തെ ബലാത്സംഗം ചെയ്തത്. ഇതേത്തുടര്ന്നാണ് നിരവധി മാതാപിതാക്കള് തങ്ങളുടെ മരിച്ച പെണ്മക്കളുടെ ശവകുടീരങ്ങള് പൂട്ടിട്ട് പൂട്ടുന്നത്.
