തിരുവനന്തപുരം: കോണ്ഗ്രസില് നിന്ന് ബിജെപിയിലെത്തിയ അനില് ആന്റണി ബിജെപി സംസ്ഥാന കമ്മറ്റി ഓഫീസായ മാരാര്ജി ഭവനിലെത്തി. മാരാര്ജി സ്മൃതിദിനമായ ഇന്ന് മാരാര്ജി ഭവനിലെത്തിയ അനില് ആന്റണി ബിജെപി മുന് സംസ്ഥാന അധ്യക്ഷനായിരുന്ന കെ.ജി. മാരാരുടെ ചിത്രത്തില് പുഷ്പാര്ച്ചന നടത്തി.
ആദ്യമായി മാരാര്ജി ഭവനിലെത്തിയ അനില് ആന്റണിയെ സംസ്ഥാന പ്രസിഡന്റ് കെ. സുരേന്ദ്രന്, സംസ്ഥാന ജനറല് സെക്രട്ടറി അഡ്വ. പി. സുധീര്, വൈസ് പ്രസിഡന്റ് പി. രഘുനാഥ് തുടങ്ങിയവര് ചേര്ന്ന് സ്വീകരിച്ചു. അനില് ആന്റണിയെ പൊന്നാടയണിയിച്ചും പൂച്ചെണ്ടു നല്കിയുമാണ് കെ. സുരേന്ദ്രന് സ്വീകരിച്ചത്.
