ന്യൂദല്ഹി: ഇന്ദിരാഗാന്ധി സവര്ക്കറെക്കുറിച്ച് ഒരു കത്തില് പറഞ്ഞത് ഇതാണ്:’ ഭാരതത്തിന്റെ വീരപുത്രനാണ് സവര്ക്കര്’. ഇക്കാര്യം രാഹുല് ഗാന്ധിയെ ഓര്മ്മിപ്പിക്കുകയാണ് ബിജെപി ഇപ്പോള്.
തന്റെ കുടുംബവും പാര്ട്ടിക്കാരും സവര്ക്കറെക്കുറിച്ച് പറഞ്ഞത് ചവറ്റുകൊട്ടിയില് തള്ളുകയാണ് രാഹുല്. ബിജെപി വക്താവ് ഷെഹ് സാദ് പൂനവാല പറഞ്ഞത് ഇതാണ്:”ഇന്ദിരാഗാന്ധി ഒരു എഴുത്തില് വീര് സവര്ക്കറെ വിശേഷിപ്പിച്ചത് ഇന്ത്യയുടെ വീരപുത്രന് എന്നാണ്. അവര് വീര് സവര്ക്കറിന് ആദരവ് നല്കി ഒരു പോസ്റ്റല് സ്റ്റാമ്പും പുറത്തിറക്കി. സവര്ക്കറിന്റെ പേരിലുള്ള ഫൗണ്ടേഷന് ഇന്ദിരാഗാന്ധി സ്വന്തം നിലയില് സംഭാവനയും നല്കിയിട്ടുണ്ട്. രാഹുല് ഗാന്ധി, താങ്കള് താങ്കളുടെ മുത്തശ്ശിയായ ഇന്ദിരാഗാന്ധിയെയും കോണ്ഗ്രസ് സര്ക്കാരിന്റെ നിലപാടും ചവറ്റുകൊട്ടിയില് വലിച്ചെറിയുകയാണോ?”- ഷെഹ് സാദ് പൂനവാല ചോദിക്കുന്നു.
എംപി സ്ഥാനം നഷ്ടപ്പെട്ടതിനെ തുടര്ന്ന് നടത്തിയ വാര്ത്താസമ്മേളനത്തില് മാപ്പ് പറയുമോ എന്ന ചോദ്യത്തിന് മാപ്പ് പറയാന് താന് സവര്ക്കറല്ല, ഗാന്ധിയാണ് എന്ന മറുപടിയാണ് രാഹുല് ഗാന്ധി നടത്തിയത്. ഇതിനെ തുടര്ന്ന് മഹാരാഷ്ട്രയില് വലിയ പ്രതിഷേധം നടക്കുകയാണ്.
