ഇറ്റാനഗര്: അരുണാചല് പ്രദേശില് സൈനിക ഹെലികോപ്റ്റര് തകര്ന്നുവീണ് രണ്ട് പൈലറ്റുമാര്ക്ക് അന്ത്യം. കരസേനയുടെ ചീറ്റ ഹെലികോപ്റ്ററാണ് തകര്ന്നുവീണത്.
അപകടമുണ്ടായത് അസമിലേക്കുള്ള യാത്രക്കിടെ ബോംഡിലയിലെ മണ്ടാല പര്വത മേഖലയില് വച്ചാണ്. ഇന്ന് ഉച്ചയോടെ പ്രദേശവാസികള് അപകട വിവരം സൈന്യത്തെ അറിയിച്ചത്. സൈന്യവും പോലീസും സ്ഥലത്തെത്തി രക്ഷാ പ്രവര്ത്തനം ആരംഭിച്ചിട്ടുണ്ട്. അപകട കാരണം കണ്ടെത്താന് സൈന്യം അന്വേഷണം പ്രഖ്യാപിച്ചിട്ടുണ്ട്. മൃതദേഹങ്ങള് നാളെ ബന്ധുക്കള്ക്ക് വിട്ടുനല്കുമെന്ന് സൈന്യം അറിയിച്ചു.
