കൊച്ചി: നടിയെ ആക്രമിച്ച കേസിൽ നടിക്കുനേരെ ഉണ്ടായത് ക്രൂരമായ അക്രമമെന്ന് ഹൈക്കോടതി. മൊഴികളില് നിന്ന് ഇത് പ്രഥമദൃഷ്ട്യാ ബോദ്ധ്യപ്പെടുന്നുവെന്നും കോടതി വ്യക്തമാക്കി. കേസിലെ പ്രതിയായ പള്സര് സുനിയുടെ ജാമ്യഹര്ജിയില് നടിയുടെ മൊഴിപ്പകര്പ്പ് പരിശോധിക്കുന്നതിനിടെയായിരുന്നു കോടതിയുടെ പരമാര്ശം. ഹര്ജി വിധി പറയായാനായി മാറ്റി.
കേസിലെ വിചാരണ അനന്തമായി നീണ്ടുപോകുന്ന പശ്ചാത്തലത്തില് തനിക്ക് ജാമ്യം നല്കണമെന്നാവശ്യപ്പെട്ടാണ് പള്സര് സുനി കോടതിയില് ഹര്ജി നല്കിയത്. താന് വര്ഷങ്ങളായി ജയിലിലാണെന്നും കൂട്ടുപ്രതികള്ക്കെല്ലാം ജാമ്യം ലഭിച്ചിട്ടുണ്ടെന്നും അതിനാല് തനിക്കും ജാമ്യം അനുവദിക്കണം എന്നായിരുന്നു പള്സര് സുനിയുടെ പ്രധാന വാദം.
ഹര്ജി പരിഗണിക്കുന്നതിനിടെ അതിജീവിതയുടെ മൊഴികൂടി ഹാജരാക്കാന് ഹൈക്കോടതി കീഴ്ക്കോടതിക്ക് നിര്ദ്ദേശം നല്കിയിരുന്നു. ഇതനുസരിച്ച് ഇന്ന് സീല്ചെയ്ത കവറില് മൊഴിപ്പകര്പ്പ് ഹാജരാക്കി. ഇത് പരിശോധിച്ചശേഷമായിരുന്നു കോടതിയുടെ പരാമര്ശം ഉണ്ടായത്.
