ഇടുക്കി: ഇടുക്കി ജില്ലയിലെ പെരുവന്താനം കടുവാപാറയില് ശബരിമല തീര്ഥാടകര് സഞ്ചരിച്ചിരുന്ന ജീപ്പ് കൊക്കയിലേക്ക് മറിഞ്ഞു. മകര വിളക്ക് തൊഴാനെത്തുന്നവരുടെ തിരക്ക് വര്ധിക്കുന്നതോടെ അതിവേഗം മലയില് എത്താന് അശ്രദ്ധയോടെയും വേഗം കൂട്ടിയും വണ്ടിയോടിക്കുന്നതാണ് അപകടത്തിന് കാരണമാവുന്നത്.
13ഓളം പേര്ക്ക് പരിക്കേറ്റു. ഒരാളുടെ നില ഗുരുതരമാണ്. തീര്ഥാടകര് സഞ്ചരിച്ചിരുന്ന ഫോഴ്സ് ക്രൂയിസര് എന്ന മള്ട്ടി യൂട്ടിലിറ്റി ജീപ്പ് വളവില് നിയന്ത്രണം വിടുകയും ക്രാഷ് ബാരിയര് തകര്ത്ത് താഴേക്ക് മറിയുകയുമായിരുന്നു.
പരിക്കേറ്റവരെ ആശുപത്രിയിലേക്ക് മാറ്റി. അപകടത്തെ തുടര്ന്ന് മുണ്ടക്കയം- കുട്ടിക്കാനം പാതയില് ഗതാഗത തടസം നേരിട്ടു. പോലീസ് സ്ഥലത്തെത്തി സ്ഥിതിഗതികള് നിയന്ത്രിക്കുന്നു. .
