നാസിക് : മഹാരാഷ്ട്ര നാസിക്കിലെ ഫാക്ടറിയില് വന് തീപിടിത്തം. ജിന്ഡാല് ഗ്രൂപ്പിന്റെ പോളിത്തീന് നിര്മാണ കമ്പനിയിലാണ് തീപിടിത്തമുണ്ടായത്. അപകടത്തില് ഒരാള് മരിച്ചു. 19 പേര്ക്ക് പരിക്കേറ്റതായാണ് റിപ്പോര്ട്ട്.
ഞായറാഴ്ച രാവിലെ 11.30 ഓടെയാണ് ഫാക്ടറിയില് നിന്നും തീ ഉയരുന്നത് ശ്രദ്ധയില്പ്പെട്ടത്. വലിയ പൊട്ടിത്തെറിയാണ് ഇവിടെ ഉണ്ടായിരിക്കുന്നത്. ഫാക്ടറിയില് നിരവധി തൊഴിലാളികള് കുടുങ്ങിക്കിടക്കുന്നതായും സൂചനയുണ്ട്. രക്ഷാപ്രവര്ത്തനങ്ങള് നടന്നുവരികയാണ്.
സമീപ ജില്ലകളില് നിന്നും ഫയര് എഞ്ചിനുകള് എത്തിച്ച് തീയണയ്ക്കാനുള്ള ശ്രമം നടത്തുകയാണ്. രക്ഷാ പ്രവര്ത്തനങ്ങള്ക്കായി ഇന്ത്യന് എയര്ഫോഴ്സിനോട് ഹെലിക്കോപ്ടറിന്റെ സഹായവും അഭ്യര്ത്ഥിച്ചിട്ടുണ്ട്. പരിക്കേറ്റ 14 പേരെ ആശുപത്രിയില് പ്രവേശിപ്പിച്ചിരിക്കുകയാണ്. ഇതില് രണ്ട്പേര് ഗുരുതരാവസ്ഥയിലാണ്. മുഖ്യമന്ത്രി ഏക്നാഥ് ഷിന്ഡേയുടെ നേതൃത്വത്തിലാണ് രക്ഷാ പ്രവര്ത്തനങ്ങള് നടത്തുന്നത്.
പ്രതികരിക്കാൻ ഇവിടെ എഴുതുക: