ന്യൂദല്ഹി: ഇന്ത്യയ്ക്ക് രണ്ട് രാഷ്ട്രപിതാക്കള് ഉണ്ടെന്നും ഇതില് മോദി പുതിയ ഇന്ത്യയുടെ രാഷ്ട്രപിതാവാണെന്നും മഹാരാഷ്ട്ര ഉപമുഖ്യമന്ത്രി ദേവേന്ദ്ര ഫഡ് നാവിസിന്റെ ഭാര്യ അമൃത ഫഡ് നാവിസ്.
“ഇന്ത്യയുടെ രാഷ്ട്രപിതാവെന്ന സ്ഥാനം സാധാരണ മഹാത്മാഗാന്ധിയ്ക്കാണ് നല്കാറുള്ളത്. പക്ഷെ ഇന്ത്യയ്ക്ക് രണ്ട് രാഷ്ട്രപിതാക്കളുണ്ട്. ഇതില് മോദി നവഇന്ത്യയുടെ രാഷ്ട്രപിതാവാണ്. “-അമൃത ഫഡ് നാവിസ് പറഞ്ഞു.
ഇതാദ്യമായാണ് അമൃത ഫഡ്നാവിസ് മോദിയെ ഇന്ത്യയുടെ രാഷ്ട്രപിതാവായി വിശേഷിപ്പിക്കുന്നത്. സ്വന്തം അഭിപ്രായങ്ങള് വെട്ടിത്തുറന്ന് പറയുന്ന നേതാവാണ് അമൃത ഫഡ്നാവിസ്. ഒരിയ്ക്കല് ശിവസേനയ്ക്കകത്ത് ഏക്നാഥ് ഷിന്ഡേയും ഉദ്ധവ് താക്കറെയും തമ്മില് വടം വലി നടക്കുന്ന സമയത്ത് അമൃത ഫഡ്നാവിസ് ട്വിറ്ററില് കുറിച്ചു:”ഒരിയ്ക്കല് ഒരു ഹൃദയശൂന്യനായ രാജാവ് ഉണ്ടായിരുന്നു. “
ഉദ്ധവ് താക്കറെയെ ആയിരുന്നു അമൃത ഫഡ്നാവിസ് കുറ്റപ്പെടുത്തിയത്.
