ന്യൂദല്‍ഹി : മതവികാരം വ്രണപ്പെടുത്തിയെന്ന കേസില്‍ ആക്ടവിസ്റ്റ് രഹ്ന ഫാത്തിമയക്ക് ജ്യാമ വ്യവസ്ഥയില്‍ ഇളവ് നല്‍കരുതെന്ന് കേരളം സുപ്രീംകോടതിയില്‍. സംസ്ഥാനം നല്‍കിയ സത്യവാങ്മൂലത്തിലാണ് ഇക്കാര്യം വ്യക്തമാക്കിയിരിക്കുന്നത്. കോടതി മുന്നോട്ടുവെച്ച വ്യവസ്ഥകള്‍ രഹന ഫാത്തിമ പല തവണ ലംഘിച്ചു. അതിനാല്‍ ജാമ്യ വ്യവസ്ഥകളില്‍ ഇളവ് നല്‍കരുതെന്നും സര്‍ക്കാര്‍ സുപ്രീംകോടതിയില്‍ അറിയിച്ചിട്ടുണ്ട്.
ശബരിമലയില്‍ ദര്‍ശനത്തിന് ശ്രമിച്ചതുമായി ബന്ധപ്പെട്ട് പത്തനംതിട്ട പോലീസ് സ്‌റ്റേഷനില്‍ രജിസ്റ്റര്‍ ചെയ്ത കേസിലെ ജാമ്യവുമായി ബന്ധപ്പെട്ടാണ് സുപ്രീംകോടതിയില്‍ സംസ്ഥാന സര്‍ക്കാര്‍ സത്യവാങമൂലം ഫയല്‍ ചെയ്തിരിക്കുന്നത്.
കേസില്‍ നേരത്തെ ഹൈക്കോടതി കര്‍ശ്ശന ഉപാധികളിന്മേല്‍ ജാമ്യം അനുവദിച്ചിരുന്നു. ഇതില്‍ പത്തനംതിട്ട ജില്ലയില്‍ പ്രവേശിക്കരുതെന്നും ആവശ്യപ്പെട്ടിരുന്നു. എന്നാല്‍ ഈ വ്യവസ്ഥകള്‍ ലഘൂകരിക്കണമെന്നാവശ്യപ്പെട്ട് രഹന ഫാത്തിമ സുപ്രീംകോടതിയെ സമീപിക്കുകയായിരുന്നു.
കോടതി നല്‍കിയ വ്യവസ്ഥകള്‍ പലകുറി ലംഘിച്ചുവെന്നും മതവികാരം വ്രണപ്പെടുത്തുന്ന പോസ്റ്റുകള്‍ വീണ്ടും സമൂഹ മാധ്യമങ്ങളില്‍ പ്രചരിപ്പിച്ചിട്ടുണ്ട്. അതിനാല്‍ ജാമ്യ വ്യവസ്ഥകളില്‍ ഇളവ് വരുത്തരുതെന്നും രഹന ഫാത്തിമയുടെ ഹര്‍ജി തള്ളണമെന്നും സംസ്ഥാനത്തിനുവേണ്ടി കൗണ്‍സില്‍ ഹര്‍ഷദ് വി. ഹമീദ് നല്‍കിയ സത്യവാങ്മൂലത്തില്‍ പറയുന്നുണ്ട്.
