പത്തനംതിട്ട: അടൂരില് ലോഡ്ജ് മുറിയില് യുവാവിനെ തൂങ്ങി മരിച്ച നിലയില് കണ്ടെത്തി. ഇയാള്ക്കൊപ്പമുണ്ടായിരുന്ന യുവതിയെ അബോധാവസ്ഥയില് കോട്ടയം മെഡിക്കല് കോളേജ് ആശുപത്രിയില് പ്രവേശിപ്പിച്ചു. കുന്നത്തൂര് പുത്തനമ്പലം സ്വദേശി ശ്രീനിലയത്തില് ശ്രീജിത്ത് (29) ആണ് മരിച്ചത്.
തിരുവനന്തപുരം പേരൂര്ക്കട സ്വദേശിനിയായ ഷീബ(39)യാണ് ആശുപത്രിയില് അവശനിലയിലുള്ളത്. ഇരുവരും പ്രണയത്തിലായിരുന്നുവെന്നാണ് സൂചന. ഒന്നിച്ച് മരിക്കാന് തീരുമാനിച്ചാണ് ലോഡ്ജില് മുറിയെടുത്തെതന്നാണ് ഷീബ മൊഴി നല്കിയിട്ടുള്ളത്. ആത്മഹത്യ ചെയ്യാനായി ചില ഗുളികകളും കഴിച്ചിരുന്നുവെന്ന് യുവതി പറയുന്നു.
ഫേസ്ബുക്ക് വഴി പരിചയപ്പെട്ട ഇരുവരും ഒരു വര്ഷമായി പ്രണയത്തിലായിരുന്നു. രണ്ടു പേരും വിവാഹിതരാണ്. ഷീബയുടെ ഭര്ത്താവ് മരിച്ചു. ഞായറാഴ്ചയാണ് രണ്ടു പേരും അടൂരില് എത്തി മുറി എടുത്തത്.
