കൊച്ചി: മരടില് കെട്ടിടം പൊളിക്കുന്നതിനിടെ ഉണ്ടായ അപകടത്തില് രണ്ട് മരണം. ഒഡീഷ സ്വദേശികളായ ശങ്കര് (28), സുശാന്ത് (38) എന്നിവരാണ് മരിച്ചത്. കെട്ടിടത്തിന്റെ സ്ലാബ് ഇടിഞ്ഞ് ഇവരുടെ ദേഹത്തേയ്ക്ക് വീഴുകയായിരുന്നു. ഗാന്ധി സ്ക്വയറിൽ ന്യൂക്ലിയസ് മാളിന് സമീപമുള്ള പഴയ വീട് പൊളിക്കുന്നതിനിടെ കെട്ടിടത്തിന്റെ ഒരുഭാഗം തകര്ന്നാണ് അപകടമുണ്ടായത്.
രക്ഷാപ്രവര്ത്തകര് എത്തി ഇരുവരെയും ആശുപത്രിയില് എത്തിച്ചെങ്കിലും രക്ഷിക്കാനായില്ല. ബുധനാഴ്ച രാവിലെ 11 മണിയോടെയാണ് അപകടമുണ്ടായത്. അഞ്ച് തൊഴിലാളികളാണ് ഇവിടെ ഉണ്ടായിരുന്നത്. കെട്ടിടം പൊളിക്കുന്നതിനിടെ പെട്ടെന്ന് സ്ലാബ് തകർന്നു വീഴുകയായിരുന്നു.
അപകടത്തിൽ രണ്ട് പേർക്ക് പരിക്കേറ്റു. ഗുരുതരമായി പരിക്കേറ്റ ഒരാളെ എ റണാകുളം ജനറൽ ആശുപത്രിയിലും മറ്റൊരാളെ വൈറ്റിലയിലെ സ്വകാര്യ ആശുപത്രിയിലും പ്രവേശിപ്പിച്ചു.
