ഷാര്ജ: ഷാർജ രാജകുടുംബാംഗം ഷെയ്ഖ് മുഹമ്മദ് ബിൻ സലേം അൽ ഖാസിമി അന്തരിച്ചു.ഷാർജ ഡെപ്യൂട്ടി ഭരണാധികാരി ഷെയ്ഖ് അബ്ദുല്ല ബിൻ സലേം ബിൻ സുൽത്താൻ അൽ ഖാസിമി, ഷെയ്ഖ് അബ്ദുൽ റഹ്മാൻ ബിൻ സലേം ബിൻ സുൽത്താൻ അൽ ഖാസിമി എന്നിവരുടെ സഹോദരനാണ്. ഷാർജയിൽ വെള്ളിയാഴ്ച മുതൽ മൂന്ന് ദിവസത്തെ ഔദ്യോഗിക ദുഃഖാചരണം പ്രഖ്യാപിച്ചിട്ടുണ്ട്.
അദ്ദേഹത്തിന്റെ വേർപാടിൽ ഷാർജ ഭരണാധികാരിയുടെ റൂളേഴ്സ് കോർട്ട് അനുശോചനം രേഖപ്പെടുത്തി. വെള്ളിയാഴ്ച അസർ നമസ്കാരത്തിന് ശേഷം ഷാർജയിലെ കിങ് ഫൈസൽ പള്ളിയിൽ ജനാസ നമസ്കാരം നടക്കും. തുടർന്ന് മൃതദേഹം അൽ ജുബൈൽ ഖബറിസ്ഥാനിൽ ഖബറടക്കും.
ശനിയാഴ്ച മുതൽ മൂന്ന് ദിവസത്തേക്ക് പുരുഷന്മാരുടെ അനുശോചനങ്ങൾ അൽ ബദീയിലെ ഷെയ്ഖ് അബ്ദുല്ല ബിൻ സലേം അൽ ഖാസിമിയുടെ വസതിയിലും, വനിതകളുടെ അനുശോചനങ്ങൾ അൽ തർഫയിലെ പരേതന്റെ വസതിയിലും സ്വീകരിക്കുന്നതാണ്.
