നാസിക്ക് : മഹാരാഷ്ട്രയിലെ നാസിക്കില് ട്രക്കുമായി കൂട്ടിയിടിച്ച ബസിന് തീപ്പിടിച്ച് 11 പേര് മരിച്ചു. ഔറംഗബാദ് റോഡില് പുലര്ച്ചെ 5.15 ഓടെയാണ് അപകടമുണ്ടായത്. മുംബൈയില് നിന്നും യാത്രക്കാരുമായി പുറപ്പെട്ട ബസ് ട്രക്കുമായി കൂട്ടിയിടിച്ചശേഷം തീപിടിക്കുകയായിരുന്നു. വാര്ത്താ ഏജന്സിയാണ് ഇതുസംബന്ധിച്ച റിപ്പോര്ട്ട് പുറത്തുവിട്ടത്.
അപകടത്തില് 21 പേര്ക്ക് പരിക്കേറ്റിട്ടുണ്ട്. മരണസംഖ്യ ഉയര്ന്നേക്കാം. പരിക്കേറ്റവരെ നാസിക്കിലെ വിവിധ ആശുപത്രികളില് പ്രവേശിപ്പിരിക്കുകയാണ്. സംഭവത്തില് അന്വേഷണം ആരംഭിച്ചതായി നാസിക്ക് പോലീസ് ഡെപ്യൂട്ടി കമ്മീഷണര് അമോല് താംബെ അറിയിച്ചു.
പരിക്കേറ്റവരുടെ ചികിത്സാ ചെലവുകള് മഹാരാഷ്ട്ര സര്ക്കാര് വഹിക്കും. മരിച്ചവരുടെ കുടുംബങ്ങള്ക്ക് സര്ക്കാര് അഞ്ച് ലക്ഷം രൂപവീതം അടിയന്തര ധന സഹായവും സംസ്ഥാന സര്ക്കാര് പ്രഖ്യാപിച്ചിട്ടുണ്ട്.
