ന്യൂദല്ഹി: പ്രമുഖ വ്യവസായിയും ടാറ്റ ഗ്രൂപ്പ് ചെയർമാനുമായ രത്തൻ ടാറ്റയ്ക്ക് ഏറ്റവും ആഹ്ളാദം പകരുന്ന കാര്യം എന്താണെന്നറിയാമോ? ജീവിതത്തില് വിജയം നേടാന് ആഗ്രഹിക്കുന്ന എല്ലാവര്ക്കും വെളിച്ചം പകരുന്ന ഒരു കാര്യം തന്നെയാണ് ഇത്.
രത്തന് ടാറ്റയ്ക്കും ഒട്ടേറെ ജീവിത വിജയങ്ങള് നേടിക്കൊടുത്ത കാര്യം കൂടിയാണ് ഇത്. രത്തന് ടാറ്റ തനിക്ക് ഏറ്റവും അധികം ആഹ്ളാദം പകരുന്ന കാര്യമെന്താണെന്ന ചോദ്യത്തിന് ഉത്തരം പറഞ്ഞിട്ടുണ്ട്. ഇപ്പോള് രത്തൻ ടാറ്റയുടെ ഈ അമൂല്യമായ ഉത്തരം സമൂഹമാധ്യമങ്ങളില് പങ്കുവെച്ചത് വ്യവസായിയും ആർപിജി ഗ്രൂപ്പ് ചെയർമാനുമായ ഹർഷ് ഗോയങ്കയാണ്. രത്തന് ടാറ്റ തന്നെ പറഞ്ഞിട്ടുള്ള വീഡിയോ ആണ് ഹര്ഷ് ഗോയങ്ക പങ്കുവെച്ചത്.
ചെയ്യാൻ പറ്റില്ലെന്ന് മറ്റുള്ളവർ പറയുന്ന കാര്യങ്ങൾ ചെയ്യാൻ ശ്രമിക്കുന്നതാണ് തനിക്ക് ഏറ്റവും കൂടുതൽ ആനന്ദം നൽകുന്നത് എന്നതാണ് രത്തൻ ടാറ്റ നല്കുന്ന ഉത്തരം. ഹര്ഷ് ഗോയങ്ക ഏതാനും ദിവസം മുന്പ് പങ്കുവെച്ച ഈ ട്വീറ്റ് നിരവധി പേരാണ് പങ്കുവെച്ചിരിക്കുന്നത്.
ഒരു ലക്ഷം രൂപയ്ക്കുള്ളിൽ കാർ നിർമ്മിക്കുക എന്ന സാധ്യമല്ലാത്ത കാര്യം രത്തന് ടാറ്റ നാനോ കാറിലൂടെ സാക്ഷാല്ക്കരിച്ചു. അതുപോലെ ചെയ്യാന് പറ്റില്ലെന്ന് നിരവധി പേര് പറഞ്ഞ കാര്യങ്ങള് ചെയ്ത് തീര്ത്ത് ആനന്ദം അനുഭവിച്ച ഇതിഹാസ തുല്ല്യനായ വ്യക്തിത്വം തന്നെയാണ് രത്തന് ടാറ്റ.
