ന്യൂദല്ഹി: ഹിമാചല് പ്രദേശ് കോണ്ഗ്രസ് വര്ക്കിങ് പ്രസിഡന്റ് ഹര്ഷ് മഹാജന് ബിജെപിയില് ചേര്ന്നു. ബിജെപി ആസ്ഥാനത്ത് നടന്ന ചടങ്ങില് കേന്ദ്രമന്ത്രി പിയൂഷ് ഗോയല്, പാര്ട്ടി ജനറല് സെക്രട്ടറി വിനോദ് താവ്ഡെ എന്നിവരുടെ സാന്നിധ്യത്തിലാണ് ഹര്ഷ് മഹാജന്റെ ബിജെപി പ്രവേശനം. കോണ്ഗ്രസിന് സംസ്ഥാനത്ത് ദിശാബോധം നഷ്ടപ്പെട്ടെന്ന് ബിജെപി പ്രവേശനത്തിന് പിന്നാലെ ഹര്ഷ് മഹാജന് കുറ്റപ്പെടുത്തി. സംസ്ഥാനത്ത് കോണ്ഗ്രസ് പാര്ട്ടിക്ക് നേതാവില്ല. അടിത്തട്ടില് പ്രവര്ത്തകരില്ലെന്നും കുടുംബാധിപത്യം മാത്രമാണുള്ളതെന്നും മുന് വര്ക്കിങ് പ്രസിഡന്റ് പ്രതികരിച്ചു.
മുന് മുഖ്യമന്ത്രി വിദര്ഭ സിങ്ങിന്റെ മരണ ശേഷം കോണ്ഗ്രസില് ഒന്നും അവശേഷിച്ചിട്ടില്ലെന്ന് ഹര്ഷ് മഹാജന് മാധ്യമപ്രവര്ത്തകരോട് പറഞ്ഞു. കഴിഞ്ഞ വര്ഷം അന്തരിച്ച മുന് മുഖ്യമന്ത്രി വിദര്ഭ സിങ്ങിന്റെ ഭാര്യയാണ് നിലവില് സംസ്ഥാന കോണ്ഗ്രസ് അധ്യക്ഷ. മകന് വിക്രമാദിത്യ സിങ് പാര്ട്ടി എംഎല്എയാണ്. പാര്ട്ടി അംഗത്വം എടുത്ത ശേഷം അദ്ദേഹം ബിജെപി ദേശീയ അധ്യക്ഷന് ജെ.പി.നഡ്ഡയെ സന്ദര്ശിച്ചു.
